သုည/People’s Spring
အမေရိကန်နိုင်ငံတွင် ကျင်းပသည့် UFC MMA ပြိုင်ပွဲတွင် ချင်းတိုင်းရင်းသား ဂျိုရှုအာဗန်သည် ပြိုင်ဘက် မက္ကဆီကိုဖိုက်တာကို အသာစီးထိုးသတ်ခဲ့ပြီး ဒိုင်အားလုံး၏ ဆုံးဖြတ်ချက်အရ အမှတ်ဖြင့် အနိုင်ရခဲ့သည်။
ယနေ့ (စက်တင်ဘာ ၁၅) နံနက်က အမေရိကန်နိုင်ငံ လက်ဗီးကပ်စ်မြို့တွင် ကျင်းပသည့် UFC 306 ပြိုင်ပွဲတွင် ချင်းတိုင်းရင်းသား ဂျိုရှုအာဗန်နှင့် မက္ကဆီကိုဖိုက်တာ ချိုင်ရက်ဇ်တို့ Flyweight ဝိတ်တန်းစိန်ခေါ်ပွဲစဥ်အဖြစ် ယှဥ်ပြိုင်ထိုးသတ်ခဲ့သည်။
Public Service Announcement
ယင်းပွဲစဥ်တွင် ဂျိုရှုအာဗန်က ချိုင်ရက်ဇ်ကို ဘယ်၊ညာလက်သီးချက်များ၊ နပန်းချုပ်ကွက် များဖြင့် အသာစီးထိုးသတ်နိုင်ခဲ့ပြီး ၃ချီအပြီးတွင် ဒိုင်အားလုံး၏ ဆုံးဖြတ်ချက်အရ အမှတ်ဖြင့် အနိုင်ရခဲ့ခြင်း ဖြစ်သည်။
ချင်းလူမျိုးဖိုက်တာ ဂျိုရှုအာဗန်သည် အဆိုပါ MMA ပွဲစဥ် ပွဲကြိုတွင် ပြောခဲ့သည့်အတိုင်း ပြိုင်ဘက်မက္ကဆီကိုဖိုက်တာကို အနိုင်ရပြီး UFC MMA ပြိုင်ပွဲ၏ နိုင်ပွဲကို ပြန်လည်ရယူနိုင်ခဲ့ခြင်း ဖြစ်သည်။
ယင်းပွဲစဥ်သည် ချင်းတိုင်းရင်းသား ဂျိုရှုအာဗန်အတွက် UFC MMA ပြိုင်ပွဲ (၄) ပွဲမြောက်နိုင်ပွဲရရှိခဲ့ခြင်း ဖြစ်ပြီး UFC ပြိုင်ပွဲ ၅ပွဲထိုးသတ်ထားရာ ၄ ပွဲနိုင် ၁ပွဲရှုံးနိမ့်ထားသည်။
