ရဲခေါင်/People’s Spring
ရှမ်းပြည်နယ်တောင်ပိုင်း၊ ညောင်ရွှေမြို့နယ်၊အင်းတိန်ကျေးရွာတွင် စစ်ဘေးရှောင်ပြည်သူ ၁၀ဦး ရေစီးဖြင့်မျောပါသွားကြောင်း ရေဘေးကူညီဆောင်ရွက်နေသူများက ပြောသည်။
စက်တင်ဘာ ၁၂ ရက်က ဖြစ်ပွားခဲ့သည့် အထက်ပါဖြစ်စဥ်မှ နှစ်ဦး၏အလောင်းအား ရှာတွေ့ထားပြီး ကျန်ရှိသူများကို ဆက်လက်ရှာဖွေနေဆဲဟု ဆိုသည်။
Public Service Announcement
“လွိုင်ကော်ကနေ ရွှေ့လာတဲ့ စစ်ဘေးရှောင်တွေပါ။အမျိုးသမီးနှစ်ယောက်အလောင်းကိုတော့ တွေ့ထားရ တယ်။ဘယ်သူ၊ ဘယ်ဝါဆိုတာကိုတော့ အတည်မပြုနိုင် သေးဘူး”ဟု အင်းလေးအခြေစိုက် ရေဘေးကူညီနေသူတစ်ဦးက လူထုနွေဦးသို့ ပြောသည်။
မိုးသည်းထန်စွာရွာသွန်းမှုနှင့်အတူ တောင်ကျရေကြီးကြောင့် ညောင်ရွှေမြို့ပေါ်ရှိ နေအိမ်များ၊ဆေးရုံ၊စာ သင်ကျောင်း၊ဘုန်းကြီးကျောင်း၊ဘုရားစေတီများအပါအဝင် ကျေးရွာ အများအပြားရေနစ်မြှုပ်နေသည်ဟု ၎င်းက အသိပေးသည်။
“ညောင်ရွှေမြို့ထဲက ရန်ကုန်ဘုန်းကြီးကျောင်းမြောက်ဘက်လမ်းမကြီးထိ စက်လှေတွေမောင်းဝင်လို့ရနေပါပြီ။ဒါဟာ နှစ်ပေါင်း၂၀ ကျော်မှာ ပြန်ကြုံရတဲ့ရေအကြီးဆုံးနှစ်ပါ”ဟု ညောင်ရွှေဒေသခံတစ်ဦးက ပြောသည်။
လက်ရှိအချိန်တွင် အင်းလေးဒေသ၌ ဖုန်းနှင့် အင်တာနက်လိုင်းများပြတ်တောက်နေပြီး ရေ ဘေးသင့်နေသူများ အကူအညီရရန်အတွက်ဆက်သွယ်ရန်အခက်အ ခဲဖြစ်နေသည်ဟုလည်း သိရသည်။
ညောင်းရွှေမြို့နယ် အင်းလေးဒေသတွင် ကျေး ရွာအုပ်စု ၃၅ အုပ်စု၊ ကျေးရွာပေါင်း ၄၄၅ ရွာရှိပြီး ကျေးရွာ ၁၇၁ရွာ ရေကြီးနစ်မြုပ်နေကြောင်းလည်း ဒေသခံသတင်းရင်းမြစ်များက ထုတ် ပြန်ထားသည်။
