ဆဏ်း/People’s Spring
မြန်မာနိုင်ငံတွင် လက်တလောရင်ဆိုင်နေရသည့် ရေဘေးလှူဒါန်းရန် လေလံတင်ရောင်းချခဲ့သည့် သီချင်းကို အမေရိကန်ဒေါ်လာ တစ်သောင်းကျော်ဖြင့်လေလံအောင်ခဲ့ကြောင်း တော်လှန်အနုပညာရှင် အဆိုတော်လင်းနစ်က အသိပေးထားသည်။
“10500$ နဲ့ ချစ်သူ့အိမ်အပြန်သီချင်းရဲ့ မူပိုင်ခွင့်ကို အမည်မဖော်လိုသူ အလှုရှင်တဦးကရရှိသွားပါပြီနော် ။အချိန်ကပ်မှ အပြိုင်အဆိုင်လာပေးနေကြလို့ပါ။ လက်တွေတုန်ရင်း စာတွေရိုက်နေရတာ ချစ်တဲ့သူတွေ ကောင်းမွန်အေးချမ်းစွာ အိမ်ပြန်နိုင်ကြပါစေ။ သီချင်းလေးနဲ့အတူတောင်းဆုပြုပါတယ်နော် ” ဟု လင်းနစ်က အသိပေးထားသည်။
Public Service Announcement
ချစ်သူ့အိမ်အပြန် အမည်ဖြင့် လင်းနစ်၏ ကိုယ်ပိုင်သံစဉ်သီချင်းကို ကြမ်းခင်းဈေး ဒေါ်လာ ၅၀၀ဖြင့် လေလံစတင်ခဲ့ပြီး အမြင့်ဆုံး ဒေါ်လာ ၁၀,၅၀၀ ဖြင့် လေလံအောင်ခဲ့ခြင်းဖြစ်သည်။
လေလံအောင်သွားသူသည် သီချင်း၏ ဉာဏမူပိုင်ခွင့်ကိုပါရရှိမည်ဖြစ်ပြီး ရရှိသည့် ငွေအားလုံးကို ရေးဘေးအတွက် လှူဒါန်းမည်ဟု လင်းနစ်က အသိပေးထားသည်။
လင်းနစ်သည် နွေဦးတော်လှန်ရေးအတွင်း ပြည်သူနှင့်အတူ ရပ်တည်ခဲ့သူတစ်ဦးဖြစ်ပြီး လက်ရှိတွင် အမေရိကန်နိုင်ငံ၌ နေထိုင်လျက်ရှိကာ တော်လှန်ရေးရန်ပုံငွေပွဲများတွင် ပါဝင်ဖျော်ဖြေပေးနေသည်။
