သတိုး/People’s Spring
ရန်ကုန်မြို့ ဒဂုံမြို့သစ်တောင်ပိုင်းမြို့နယ် (၁၀၇) ရပ်ကွက်အုပ်ချုပ်ရေးမှူးရုံးပစ်ခတ်မှုအတွင်းအုပ်ချုပ်ရေးမှူးအပါအဝင် နှစ်ဦးသေဆုံးကြောင်း ဒေသခံများက ပြောသည်။
“အုပ်ချုပ်ရေးမှူးနဲ့ ပျူ ကောင်တစ်ယောက်ကတော့ ပွဲချင်းပြီးဆုံးတယ်ဗျ။သူ့သားကတော့ လက်ထိသွားပါတယ်”ဟု တောင်ဒဂုံမြို့နယ်ဒေသခံတစ်ဦးက ပြောသည်။
Public Service Announcement
စက်တင်ဘာ ၂၀ရက် နံနက်တွင် ဖြစ်ပွားခဲ့ခြင်းဖြစ်ပြီး မည်သည့် အဖွဲ့ကလုပ်ဆောင်သွားသည်ကို မသိရသေးပေ။
“အင်မတန်ဆိုးတဲ့လူပါ အာဏာမသိမ်းခင်ကာလထဲက ကြံ့ဖွတ်ပါတီဝင် ၊ပြည်သူတွေကိုအမျိုးမျိုးခြိမ်းခြောက် စစ်မှုထမ်းထမ်းကိစ္စကိုလည်း တခြားရပ်ကွက်တွေထက် လူဦးရေကိုသတ်မှတ်ထားတာတဲ့ ပိုပေးပြီး တစ်နေ့တစ်နေ့ ငွေညှစ်အကြပ်ကိုင်နေတာ ပထမတစ်ခါလာပစ်တုန်းကလည်း ကံကောင်းသွားတာ အခုတော့ သေရှာပြီ “ဟု ယင်းမြို့နယ်၌ နေထိုင်သူတစ်ဦးက ပြောသည်။
ပစ်ခတ်မှုဖြစ်စဉ်ဖြစ်ပြီးနောက် စစ်ကောင်စီတပ်က လမ်းပိတ်ကာစစ်ဆေးမှုများပြုလုပ်ခဲ့ပြီး ယမန်နေ့ညကလည်း သတင်းရသောကြောင့်ဟုဆိုကာ ယင်းမြို့နယ် ကျီစုကျေးရွာဘက်သို့ ရပ်ကျေးအဖွဲ့အပါအဝင် စစ်ကောင်စီတပ်သားများနှင့် ရဲအင်အား ၂၀၀ခန့်က စစ်ဆေးမှုများပြုလုပ်ခဲ့ကြောင်း ၎င်းက ဆိုသည်။
အဆိုပါဖြစ်စဉ် နှင့်ပတ်သက်၍ စစ်ကောင်စီဝါဒဖြန့် မီဒီယာများက PDFများကပြုလုပ်သည်ဟု စွပ်စွဲထားပြီး အချို့ကလည်း ၎င်းတို့ အချင်းချင်း အဆင်နပြေသောကြောင့် ဟုဖြစ်နိုင်ကြောင်း သုံးသပ်ထားသည်။
“အချင်းချင်း စားခွက်လုကြတာ။ ဖြစ်စဉ်က သိန်းငှက်လေးကောင်၊ တကောင်ကို အဘအားကိုးနဲ့ ရာထူးဖြုတ်တာ။ ဟိုက ပြန်တေးပြီး ပြန်သတ်သွားတယ်။ တောင်ဒဂုံက ပြူသိန်းငှက်တွေကြား အဝေမတည့်တဲ့ စားခွက်လုပွဲပေါ့” ဟု ဖေ့စ်ဘွတ်ခ်အသုံးပြုသူတစ်ဦးက ရေးသားထားသည်။
