'/%3E%3C/svg%3E){kind=small}
မိထက်/People’s Spring
ရှမ်းပြည်နယ်မြောက်ပိုင်း၊ မူဆယ်မြို့အနီး မင်္ဂလာမူဆယ်အိမ်ယာအနီးတွင် ယနေ့ (စက်တင်ဘာ ၂၃ရက်)နံနက်ကစ၍ တိုက်ပွဲဖြစ်ပွားနေသည်။
မင်္ဂလာမူဆယ်အိမ်ယာအနီးတွင် စစ်ကောင်စီနှင့် ပြည်သူ့စစ်တပ်ဖွဲ့များ တိုက်ပွဲဖြစ်ပွားခြင်းဟု ဒေသခံအချို့ကပြောသည်။
Public Service Announcement
” ပြည်သူ့စစ်တွေနဲ့ စစ်တပ် အတူလုပ်နေတဲ့ ကျားဖြန့်ကို စစ်တပ်က ပြန်ဖမ်းတယ်တဲ့။ သူတို့ချင်း ချနေကြတာ”ဟု ဒေသခံတစ်ဦးက ပြောသည်။
တိုက်ပွဲသည် နံနက် ၈ နာရီခန့်မှ စတင်ဖြစ်ပွားပြီး နေ့လယ် ၁၂ နာရီခန့်တွင် ပိုမိုပြင်းထန်လာကာ ဗုံးပေါက်ကွဲသံ၊ လက်နက်ကြီးသံများကြားနေရကြောင်း မူဆယ်မြို့ခံတစ်ဦးက ပြောသည်။
မူဆယ်မြို့တွင် စစ်ကောင်စီလည်းအောက်ခံပြည်သူ့စစ်အဖွဲ့ ၆ဖွဲ့ထက်မနည်းရှိပြီး အခုအခါ ၎င်းတို့အချင်းချင်း တိုက်ပွဲပြန်လည်ဖြစ်ပွားခြင်းဖြစ်သည်။။
မူဆယ်မြို့သည် ၁၀၂၇ စစ်ဆင်းရေးပထမပိုင်း၌ ညီနောင်သုံးဖွဲ့က တိုက်ခိုက်ရန် ပြင်စဉ်ချိန် တရုတ်က ကြားဝင်ညှိနှိုင်းပေးခဲ့သည့် ဟိုင်ဂင်အပစ်ရပ်စာချုပ်ကြောင့် မတိုက်ခိုက်ဘဲ ကျန်နေသည့် မြို့ဖြစ်သည်။ တရုတ်နိုင်ငံနှင့် နယ်စပ်ကုန်သွယ်ရေးမြို့ဖြစ်ပြီး မူဆယ် (၁၀၅)မိုင် ကုန်သွယ်ရေးဇုန်ကို တော်လှန်ရေးအင်အားစုများက ထိန်းချုပ်ထားသည်။ စစ်ကောင်စီသည် မြို့ပေါ်၌သာ တပ်စွဲထားနိုင်ပြီး အုပ်ချုပ်ရေးယန္တရားလည်း ကောင်းမွန်စွာမလည်ပတ်တော့ကြောင်း ဒေသခံများက ပြောသည်။
ယနေ့တိုက်ပွဲဖြစ်နေသည့် မင်္ဂလာမူဆယ်အိမ်ရာသည် တရုတ်နိုင်ငံနယ်စပ်အနီးရှိပြီး ရွှေလီမြစ်သာခြားသည်။
