မိထက်/People’s Spring
လားရှိုးမြို့ကို စစ်ကောင်စီက ယနေ့(စက်တင်ဘာ လ၃၀ ရက်) ညနက်ပိုင်းတွင် ဂျက်ဖိုက်တာနှစ်စီးဖြင့်လေကြောင်းမှထပ်မံဗုံးကြဲသည်။
စက်တင်ဘာ ၃၀ ရက်ည ၉နာရီ၅၉မိနစ်နှင့် ၁၀နာရီ ၅မိနစ်၌ ဂျက်ဖိုက်တာတစ်စီးစီဖြင့် နှစ်ကြိမ်ဗုံးကြဲတိုက်ခိုက်သွားခြင်းဟု ဒေသခံများကပြောသည်။
Public Service Announcement
“ပေါက်ကွဲသံတွေလည်းကြားတယ်။ မပေါက်ကွဲတဲ့အလုံး တွေလည်းရှိနေတယ်”ဟု လားရှိုးမြို့ ရပ်ကွက်(၁၂)မှ ဒေသခံတဦးကပြောသည်။
မိတ္ထီလာလေတပ်မှ တက်သွားသည့် ဂျက်ဖိုက်တာဖြင့် တိုက်ခိုက်ခြင်းဟု လေကြောင်းအန္တရာယ်စောင့်ကြည့်နေသူများကပြောသည်။ ယခုသတင်းရေးသားနေချိန် ည ၁၀နာရီ၃၇မိနစ်အထိ မိတ္ထိလာလေတပ်မှ ဂျက်ဖိုက်တာတစ်စီး ထပ်တက်သွားကြောင်း သတင်းရရှိသည်။
လားရှိုးမြို့ကို စက်တင်ဘာလဆန်းမှစ၍ စစ်ကောင်စီက တန်ပြန်ထိုးစစ် စတင်နေပြီး နေရာအနှံ့ဗုံးကြဲတိုက်ခိုက်မှုများ ဆက်တိုက်လုပ်ဆောင်နေသည်ဟု မြန်မာအမျိုးသားဒီမိုရက်တစ် မဟာမိတ်တပ်မတော် (MNDAA)က စက်တင်ဘာ ၃၀ တွင်သတင်းထုတ်ပြန်ထားသည်။ဒေသခံများ ပြန်လည်အခြေချနေထိုင်သည့် လားရှိုးမြို့ကို စစ်ကောင်စီက လေကြောင်းမှ နေစဥ်ပစ်မှတ်ထား ဗုံးကြဲတိုက်ခိုက်နေကြောင်း MNDAA က ထုတ်ပြန်ထားသည်။
သြဂုတ်လကုန်မှ စက်တင်ဘာ ၃၀.ရက်အထိစစ်ကောင်စီက အရပ်သားပစ်မှတ်များကိုပါ ဗုံးကြဲတိုက်ခိုက်မှုကြောင့် ဒေသခံပြည်သူ ၃ ဦးသေဆုံးပြီး ၄၀ ခန့် ဒဏ်ရာရရှိခဲ့ကြောင်း သိရသည်။ထိုသို့စစ်ကောင်စီတပ်က နေစဥ်ရက်ဆက် ဗုံးကြဲဖျက်
ဆီးမှုများကြောင့် လားရှိုးမြို့ တွင်ပြန်နေသောပြည်သူများထဲမှ အချို့မှ ပြန်လည်တိမ်းရှောင်နေကြရကြောင်းဒေသခံအချို့ကပြောသည်။
