Connect with us

Hi, what are you looking for?

သတင်း

မြ၀တီမြို့နယ် ဖလူးကြီးရွာစာသင်ကျောင်းကို စစ်ကောင်စီ လက်နက်ကြီးဖြင့်ပစ်ခတ်၊ ပြည်သူနှစ်ဦး ဒဏ်ရာရ

ကရင်ပြည်နယ် မြ၀တီမြို့နယ် ဖလူးကြီးကျေးရွာ စာသင်ကျောင်းအား စစ်ကောင်စီတပ် လက်နက်ကြီးဖြင့် ပစ်ခတ်ရာ စာသင်ကျောင်းထိခိုက်ပျက်စီးပြီး အမျိုးသမီးတစ်ဦးအပါအဝင် ပြည်သူ ၂ဦး ဒဏ်ရာရခဲ့ကြောင်း ကရင်အမျိုးသားအစည်းအရုံး(KNU)က ယနေ့(အောက်တိုဘာ ၂ရက်) ထုတ်ပြန်သည်။

စစ်ကောင်စီ လက်နက်ကြီးပစ်ခတ်၍ မြ၀တီမြို့ ဖလူးကြီးရွာစာသင်ကျောင်း ထိမှန်ပျက်စီးနေသည်ကို တွေ့ရစဥ်။ ဓာတ်ပုံ - KNU - Dooplaya District

ဟန်နွေ/People’s Spring

ကရင်ပြည်နယ် မြ၀တီမြို့နယ် ဖလူးကြီးကျေးရွာ စာသင်ကျောင်းအား စစ်ကောင်စီတပ် လက်နက်ကြီးဖြင့် ပစ်ခတ်ရာ စာသင်ကျောင်းထိခိုက်ပျက်စီးပြီး အမျိုးသမီးတစ်ဦးအပါအဝင် ပြည်သူ ၂ဦး ဒဏ်ရာရခဲ့ကြောင်း ကရင်အမျိုးသားအစည်းအရုံး(KNU)က ယနေ့(အောက်တိုဘာ ၂ရက်) ထုတ်ပြန်သည်။

အောက်တိုဘာ ၁ရက် နေ့လည်ပိုင်းတွင် လေးကေကော်မြို့သစ်အနီး စွယ်တော်ကုန်း အမြောက်တပ်စခန်းမှ ၁၂၀ မမ လက်နက်ကြီးဖြင့် ရည်ရွယ်ချက်ရှိရှိပစ်ခတ်ရာ ဒေါနအရှေ့ခြမ်း ဖလူးကြီးကျေးရွာစာသင်ကျောင်းဆောင်သို့ ကျရောက်ပေါက်ကွဲပြီး စာသင်ကျောင်းဆောင် (၂) ဆောင် ထိမှန်ပျက်စီးခဲ့ရဟု ဆိုသည်။

Public Service Announcement

Public Service Announcement

KNU ပူးပေါင်းတပ် ကော်ဘရာစစ်ကြောင်း စစ်ကြောင်း(၁) စစ်ကြောင်းမှူး ဗိုလ်စောကော်က စာသင်ကျောင်းတိုက်ခိုက်ခံရမှု အခြေအနေကို ယမန်နေ့တွင်လူမှုကွန်ရက်၌ ရုပ်သံမှတ်တမ်း ဖော်ပြထားသည်။

” ဘာမှ မဆိုင်တဲ့ စာသင်ကျောင်းကို ဒီကောင်တွေလက်နက်ကြီးနဲ့ ပစ်တော့ ကံကောင်းလို့ ကလေးတွေမရှိလို့။ တော်သေးတာပေါ့ ကလေးတွေ ပြန်ပြေးတာမြန်လို့။ တော်သေးတာပေါ့ ကလေးတွေ ပြေးတာမြန်လို့”ဟု ဗိုလ်စောကော်က ရုပ်သံတွင် ပြောကြားထားသည်။

ပစ်ခတ်ခံရချိန် ကျောင်းသား၊ ကျောင်းသူကလေးများနှင့် ဆရာ၊ဆရာမများ ထိခိုက်မှု မရှိသော်လည်း ဖလူးလေး ကျေးရွာအနီးသို့ ကျရောက်ပေါက်ကွဲသော လက်နက်ကြီးကြောင့် ဒေသခံ အမျိုးသမီး တစ်ဦး နှင့် အမျိုးသား တစ်ဦးထိမှန် ဒဏ်ရာရခဲ့ရသည်ဟု KNUက ထုတ်ပြန်သည်။

စစ်ကောင်စီတပ်၏ အဓိကကျသော တပ်စခန်းများအား ကရင်အမျိုးသားလွတ်မြောက်ရေးတပ်မတော် (K.N.L.A) နှင့် တော်လှန်ရေး ပူးပေါင်းတပ်ဖွဲ့များက စခန်းသိမ်းတိုက်ပွဲ ဆင်နွှဲလျက်ရှိရာ စစ်ကောင်စီတပ်များမှလည်း လက်နက်ကြီးများဖြင့် ကျေးရွာများအတွင်းသို့ ရည်ရွယ်ချက်ရှိရှိ သော်လည်းကောင်း၊ ရမ်းသမ်း၍ သော်လည်းကောင်း ပစ်ခတ်လျှက်ရှိနေသည်ဟု KNUက ထုတ်ပြန်သည်။

ထို့ပြင် လေကြောင်း ဗုံးကြဲတိုက်ခိုက်မှုများ ပြုလုပ်လျက်ရှိသည်ဟုလည်း ဖော်ပြသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

ထိုင်း - မြန်မာနယ်စပ်မြ၀တီမြို့၊နဒီလင်းမြိုင်ရွာမှာပြီးခဲ့တဲ့ရက်ပိုင်းအောက်တိုဘာ ၂၀ ရက်မှာ ထိုင်းကုန်စည်တွေ သယ်ဆောင်လာတဲ့ ကားအစီးရေ ၄၀ နီးပါးကို အာဏာသိမ်းစစ်တပ်က ဖမ်းဆီးလိုက်တယ်လို့ ကရင်သတင်းရင်းမြစ်က ပြောပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook