ရဲခေါင်/People’s Spring
စစ်တပ်အာဏာသိမ်းပြီးနောက်ပိုင်း ပြည်တွင်း၊ ပြည်ပ အကြွေး ကျပ်ဘီလီယံပေါင်း နှစ်သောင်းကျော်အထိ တိုးလာသည်။
စစ်ကောင်စီ၏ စီမံကိန်းနှင့်ဘဏ္ဍာရေးဝန်ကြီးဌာနက ထုတ်ပြန်သည့် ၂၀၂၄-၂၀၂၅ ဘဏ္ဍာနှစ် အရအသုံးခန့်မှန်းခြေငွေ စာရင်းအချက်အလက် တွင် အထက်ပါ အချက်အလက်ကိုထုတ်ပြန်ထားခြင်းဖြစ်သည်။
Public Service Announcement
ယခင်အစိုးရလက်ထက်က ပြည်ပကြွေးမြီစာရင်းကို ဒေါ်လာကိန်းဂဏန်း ဖြင့် စာရင်းပြသော်လည်း စစ်ကောင်စီ၏ စီမံကိန်းနှင့်ဘဏ္ဍာရေးဝန်ကြီးဌာန ကျပ်ငွေဖြင့်သာ ဖော်ပြထားသည်။
“ကျပ်ငွေနဲ့ပဲ ပြမှာပေါ့ ။ကျပ်ငွေကသူတို့စိတ်ကျ ရိုက်ထုတ်နေတာလေ။အကြွေး ကျပ်ဘီလီယံ ၂၃,၀၀၀ ဆိုရင် NLD လက် ထက် က ဒေါ်လာစျေးနဲ့ တွက်ရင် စကစ အကြွေးယူတာ ဒေါ်လာ ၁၅ ဘီလီယံ နဲ့ ၁၆ ဘီလီယံ ကြား ရှိတယ်ပြောလို့ရတယ်။ပြည်ပအကြွေးတိုးတာရင် နောက်ဆက်တွဲ ဘာဖြစ်နိုင်မလဲဆိုတော့ ငွေ ကြေးဖောင်းပွမှုနှုန်းတိုးလာလိမ့်မယ်။အခြေခံကတော့ လူထု ကြပ်တည်းမှု ပိုဆိုးလာမှာပေါ့”ဟု စီးပွားရေးလုပ်ငန်းရှင် တစ်ဦးက လူထုနွေဦးသို့ပြောသည်။
အာဏာမသိမ်းမီ အရပ်သားအစိုးရလက်ထက် (၂၀၁၉-၂၀၂၀ ဘဏ္ဍာနှစ်) က ပြည်တွင်း ပြည်ပ ကြွေးမြီ မှာ ကျပ်ဘီလီယံ ၄၇,၆၃၇ ရှိခဲ့ပြီး အာဏာသိမ်းပြီး လေးနှစ်ခန့်အကြာတွင် ပြည်တွင်းပြည်ပကြွေးမြီ ကျပ်ဘီလီယံ ၇၀,၄၃၄ ထိရှိသည်။
ထို့အတူ ပြည်တွင်း၊ပြည်ပကြွေးမြီစာရင်းကို ကိန်း ဂဏန်းများဖြင့် သာ ဖော်ပြထားပြီး မည့်သည့် နိုင်ငံဆီက ချေးယူခဲ့သည် ကို စစ်ကောင်စီက ဖော်ပြမထားပေ။
အရပ်သားအစိုးရလက်ထက်တွင် ကမ္ဘာ့ကပ်ရောဂါ ကိုဗစ်နှင့်ရင်ဆိုင်ရချိန်၌ ပင် ပြည်တွင်းလုပ်ငန်းများကို ငွေချေးပေးခဲ့သော်လည်း ပြည်တွင်း၊ပြည်ပကြွေးမြီများစွာမတိုးခဲ့ပေ ။သို့သော် စစ်ကောင်စီလက်ထက်တွင် အသုံးစာရိတ်အများစုမှာ စစ်စရိတ်များဖြစ်ပြီး စစ်တိုက်ရန် နိုင်ငံတော်က ကျခံနေရခြင်းဖြစ်သည်။ထိုအပြင်စစ်ကောင်စီလက်ထက်တွင် ပြည်တွင်းကြွေးမြီပိုများလာပြီး ပြည်ပကြွေးမြီ သိပ်မတိုးလာခြင်းမှာ ပြည်ပကစစ်အုပ်စုကို ငွေသိပ်မချေး၍ဖြစ်နိုင်ကြောင်း နိုင်ငံရေးဘောဂဗေဒလေ့လာနေသူတစ်ဦးကပြောသည်။
ထို့အပြင် အောက်တိုဘာ ၄ ရက်က စစ်ကောင်စီ၏ စီမံကိန်းနှင့်ဘဏ္ဍာရေးဝန်ကြီးဌာနက ထုတ်ပြန်သည့် ၂၀၂၄ -၂၀၂၅ ဘဏ္ဍာနှစ် အရအသုံးခန့်မှန်းခြေငွေ စာရင်းအချက်အလက် များ၌ နိုင်ငံ၏ ပညာရေး၊ကျန်းမာရေး နှင့်ကယ်ဆယ်ရေး ကဏ္ဍ အသုံးစရိတ်များကို စစ်ကောင်စီက လျှော့ချလိုက်သည်။
စာရင်းဖော်ပြမှုများအရစစ်တပ် အာဏာသိမ်းပြီးနောက်ကစ၍ နိုင်ငံ၏ ပညာ ရေး၊ကျန်းမာရေး နှင့်ကယ်ဆယ်ရေးဝန်ကြီးဌာနတို့၏ အသုံးစရိတ်များမှာ နှစ်စဥ်လျော့ကျလာသည်ကို တွေ့ရသည်။
