လူအေး/People’s Spring
လူရှစ်ဦးသေဆုံးပြီး သုံးဦးဒဏ်ရာရရှိခဲ့သည့် ထားဝယ်မြို့၊ကြက်စာပြင်ရပ်ကွက် မြစ်ဆိပ်ကမ်းရှိ စက်သုံးဆီတင်သင်္ဘောသည် ယနေ့ညနေတွင် နောက်တစ်ကြိမ်မီးမှုဖြစ်ခဲ့ကြောင်း ဒေသခံများက ပြောသည်။
” စက်သုံးဆီငွေ့တွေက မီးပြန်တောက်ပြီး ထပ်ပြီးလောင်တာပါ။ တစ်ချိန်လုံးစောင့်ကြည့်နေရင်းနဲ့ဖြစ်တာပါ။ အခုညအထိ မီးအကင်းမသေသေးဘူးဗျ”ဟု မြို့ခံတစ်ဦးက ပြောသည်။
Public Service Announcement
အဆိုပါ စက်သုံးဆီတင်သင်္ဘောသည် အောက်တိုဘာ ၁၄ ရက် ညနေ ၄ နာရီခန့်က မီးလောင်ခဲ့စဥ် လုပ်သားရှစ်ဦးသေဆုံးပြီး သုံးဦးဒဏ်ရာရာရှိခဲ့သည်။ အမျိုးသားခုနစ်ဦး၊အမျိုးသမီး တစ်ဦးသေဆုံးပြီး အမျိုးသား နှစ်ဦးနှင့် အမျိုးသမီးတစ်ဦး ဒဏ်ရာရကာ အမျိုးသားတစ်ဦးပျောက်ဆုံးနေကြောင်း ထားဝယ်မြို့နယ် မီးသတ်တပ်ဖွဲ့က ထုတ်ပြန်ထားသည်။
ယနေ့ ညနေက နောက်တကြိမ်မီးထပ်လောင်မှုနှင့်ပတ်သက်၍ အသေးစိတ်အခြေအနေကိုမသိရှိရသေးပေ။
မီးအားမပြင်းထန်သော်လည်း ငြှိမ်းသတ်နေဆဲဖြစ်ကြောင်း သတင်းရရှိသည်။
