ဇေအောင်/People’s Spring
စစ်ကိုင်းတိုင်း၊ ဝက်လက်မြို့နယ်တွင် ကင်းတံခါးလာပိတ်သည့် စစ်ကောင်စီတပ်သားများအား တော်လှန်ရေးတပ်များက စောင့်ဆိုင်းတိုက်ခိုက်ခဲ့ကြောင်း သတင်းရရှိသည်။
ယမန်နေ့(နိုဝင်ဘာ ၃ရက်)ညနေ ၅ နာရီ ၄၅ မိနစ် ခန့်က ဝက်လက်မြို့နယ်၊ရွာသာကြီးကျေးရွာအတွင်း တပ်စွဲထားသော စစ်ကောင်စီတပ်မှ စစ်သားများသည် အရာတော် – ရွာသာကြီးလမ်းပေါ်မှ ကင်းတံခါးအား လာပိတ်စဥ် တော်လှန်ရေးတပ်များက ကင်းပုန်းဝပ်၍ ပစ်ခတ်တိုက်ခိုက်ခဲ့ကြောင်း ကြောင်လက်သည်းတပ်ဖွဲ့တာဝန်ခံ ကိုဖတ်တီးက ပြောသည်။
“အရာတော်ဘက်အထွက် လမ်းကကင်းတံခါးပေါ့။ ကင်းသဘောမျိုးထားတဲ့တံခါး။ ဝါးတားပြီး ဆူးခက်တွေနဲ့လုပ်ထားတာ။ အဲတံခါးလာပိတ်တာကို ကျွန်တော်တို့အဖွဲ့တွေ ဆော်လိုက် တာ။”ဟု ကိုဖတ်တီးက ပြောသည်။
Public Service Announcement
တိုက်ခိုက်မှုကြောင့် ကင်းတံခါးလာပိတ်သည့် စစ်သား သုံးဦးသေဆုံးကြောင်း ကြောင်လက်သည်းတပ်ဖွဲ့က ဆိုသည်။ သို့သော် စစ်အုပ်စုသေဆုံးမှုအား လူထုနွေဦးက သီးခြားအတည်ပြုနိုင်ခြင်း မရှိသေးပေ။
အဆိုပါ ကင်းတံခါးအနောက်ခြမ်းသည် တော်လှန်ရေးတပ်ဖွဲ့များ၏ စိုးမိုးနယ်မြေဖြစ်ကြောင်း ဒေသခံအချို့က ပြောသည်။
ပစ်ခတ်မှုအား ရွာသာကြီးတိုက်နယ် ကြောင်လက်သည်း ဦးဆောင်သောအဖွဲ့နှင့် မဟာမိတ်အဖွဲ့များဖြစ်သော မီးတောက် Local PDF၊ တွေ့မရှောင် Local အဖွဲတို့က ပူးပေါင်းတိုက်ခိုက်ခဲ့ကြောင်း အသိပေးထားသည်။
ရွာသာကြီးကျေးရွာသည် စစ်ကောင်စီတပ်က တပ်စွဲထားခြင်းဖြစ်၍ သေခံပြည်သူအများစုမှာ နေထိုင်ခြင်းမရှိတော့ဘဲ တိမ်းရှောင်နေရသည်။
