ရှိန်း/People’s Spring
စစ်ကောင်စီတပ်ကမနေ့ (ဇန်နဝါရီ ၃ရက်)ညပိုင်းမှာ စစ်ကိုင်းမြို့နယ်၊ မြင်းဆည်ရွာကိုတညလုံးလေကြောင်း ဗုံးကြဲတိုက်ခိုက်ခဲ့တာမို့ ပြည်သူ၁၀ဦးထက်မနည်းသေဆုံးခဲ့တယ်လို့ ကနဦးသတင်းရရှိပါတယ်။
စစ်ကိုင်းမြို့နယ်အရှေ့ခြမ်း၊မြင်းဆည်ကျေးရွာကို မနေ့ကညပိုင်းကတံတားဦးလေတပ်ကနေ Y-12 နဲ့ ၉ကြိမ်တိုင်လေကြောင်းတိုက်ခိုက်မှုပြုလုပ်ခဲ့ပြီး ဗုံးသီး၃၈လုံးအထိကျေးရွာထဲကိုကြဲချခဲ့တယ်လို့ ဒေသခံအချို့ကပြောပါတယ်။
“မန်းPDFထိုင်တယ်လို့ စကစဘက်ကသတင်းအမှားရပြီးကျဲတာလို့သိရတယ်။တကယ်ကဘယ်အဖွဲ့မှထိုင်မထားဘူးဗျ။သေတာတော်တော်များတယ်လို့သိရတယ်။အကုန်ပြည်သူတွေချည်းပဲ”လို့ စစ်ကိုင်းမြို့နယ်ကတော်လှန်ရေးတပ်ဖွဲ့ဝင်တဦးကပြောပါတယ်။
Public Service Announcement
မြင်းဆည်ရွာဘက်ကိုဖုန်းလိုင်း၊အင်တာနက်လိုင်းတွေပါဖျက်ထားတာမို့ သေဆုံးလူစာရင်းကိုအတည်ပြုလို့ မရသေးဘူးလို့လည်းဆိုပါတယ်။
မန္တလေးPDFက စစ်ကိုင်းတပ်မဟာဖွဲ့စည်းမယ့်အကြောင်းကြေညာချက်ထုတ်ပြန်ပြီးတဲ့နောက် မန္တလေးတိုင်းမှာ နယ်မြေတွေဆုံးရှုံးထားတဲ့စစ်တပ်ဟာ စစ်ကိုင်းမြို့နယ်ထဲကိုပါလေကြောင်းတိုက်ခိုက်တာတွေပြုလုပ်နေတာပါ။
လ၂ရက်နေ့ ညပိုင်းကလည်း သပိတ်ကျင်းမြို့နယ်ချောင်းကြီးကျေးရွာကို စစ်ကောင်စီကလေကြောင်းတိုက်ခိုက်ခဲ့တာမို့ ပြည်သူ၂ဦးသေဆုံးဒဏ်ရာအများအပြားရခဲ့ပါသေးတယ်။
