Connect with us

Hi, what are you looking for?

သတင်း

ဝက်လက်တွင် တပ်မ(၃၃)စစ်ကြောင်း PDF ပူးပေါင်းတပ်တိုက်ခိုက်မှု စစ်ကောင်စီတပ်သား ၂၀ကျော်သေ၊ သုံးဦးအဖမ်းခံရ

လက်နက် ၅လက်လည်းရဟု ရွှေဘိုခရိုင် တပ်ရင်း(၁၈)ပြော

တပ်မ(၃၃)စစ်ကြောင်းမှ ဖမ်းမိစစ်သုံ့ပန်းများနှင့် သိမ်းရသော လက်နက်များ။ ဓာတ်ပုံ - ရွှေဘိုခရိုင် အမှတ် ၁၈-တပ်ရင်း

ဟန်နွေ/People’s Spring

စစ်ကိုင်းတိုင်း ဝက်လက်မြို့နယ်တွင် စစ်ကောင်စီ၏ တပ်မ(၃၃) စစ်ကြောင်းကို ပြည်သူ့ကာကွယ်ရေးတပ်(PDF) ပူးပေါင်းတပ်ဖွဲ့က တိုက်ခိုက်ရာ စစ်ကောင်စီတပ်ဖွဲ့ဝင် ၂၀ကျော် သေဆုံးပြီး ၃ဦး အရှင်ဖမ်းမိခဲ့ကြောင်း ရွှေဘိုခရိုင် တပ်ရင်း(၁၈)ပြောရေးဆိုခွင့်ရှိသူ ကိုနေမျိုးက လူထုနွေဦးသို့ ပြောသည်။

ဇန်နဝါရီ ၅ရက်က ဝက်လက်မြို့နယ် အုန္နဲဘုတ်ကျေးရွာကို ဝင်ရောက်စီးနင်းထားသော အင်အား ၇၀ ခန့်ပါ စစ်ကောင်စီ၏ စစ်ကိုင်းမြို့အခြေစိုက် တပ်မ(၃၃)စစ်ကြောင်းကို တိုက်ခိုက်ခဲ့ခြင်းဖြစ်သည်ဟုဆိုသည်။

“၄ရက်နေ့မနက်ပိုင်းမှာ ဆားတောင်က ထွက်လာတဲ့ တပ်မ ၃၃ စကစ စစ်ကြောင်းဟာ ၄ရက်နေ့ ညနေပိုင်းမှာအုန္နဲဘုတ်ရွာကို ဝင်စီးထားတာ ၅ရက်နေ့ မနက်ပိုင်းမှာ ကျနော်တို့ ဝင်တိုက်ခဲ့တာပါ”ဟု တပ်ရင်း(၁၈)ပြောရေးဆိုခွင့်ရှိသူ ကိုနေမျိုးက ပြောသည်။

Public Service Announcement

Public Service Announcement

အဆိုပါတိုက်ခိုက်မှုအတွင်း စစ်ကောင်စီဘက်က ၂၀ ဦးကျော်သေဆုံးကာ ၃ဦး အရှင်ဖမ်းမိခဲ့ကြောင်း၊ MA 1 ငါးလက် ၊ လက်ပစ်ဗုံး ၂လုံး၊ ရှေ့ထွက်မိုင်း တစ်လုံး၊ မြင်းခွာနင်းမိုင်း ၄ လုံး၊ ဒရုန်းဖြတ်စက် ၁ ခု ၊ ၆၀ မမဗုံးသီး ၃ လုံးနှင့်အခြားစစ်အသုံးအဆောင်ပစ္စည်းများ သိမ်းဆည်းရမိ ခဲ့ကြောင်း ရွှေဘိုခရိုင် တပ်ရင်း(၁၈)က ထုတ်ပြန်သည်။

တိုက်ပွဲဖြစ်ပွားချိန် ၅ နာရီ ခန့် ကြာမြင့်ခဲ့ပြီး စစ်ကောင်စီဘက်က တိုက်လေယာဉ် လေးစီးဖြင့် လေကြောင်းတိုက်ခိုက်မှု အကြိမ် ၂၀ကျော် ပစ်ကူပေးခဲ့ကြောင်း၊ တိုက်ပွဲအတွင်း ပူးပေါင်း အဖွဲ့ ဘက်မှ တော်လှန်ရေး ရဲဘော် ၅ဦးဒဏ်ရာရရှိခဲ့ကြောင်း အသိပေးသည်။

ထို့အပြင် အထိနာသည့် စစ်ကောင်စီတပ်သည် အုန္နဲဘုတ်ရွာမှ ဆုတ်ခွာထွက်ပြေးသွားသည်ဟုဆိုသည်။

“ဆုတ်ပြေးတဲ့ စကစ စစ်ကြောင်းကို လိုက်ရှင်းနေတုန်းပါ”ဟု ကိုနေမျိုးက ပြောသည်။

အဆိုပါအုန္နဲဘုတ်ရွာ တိုက်ပွဲကို ရွှေဘိုခရိုင်အမှတ်(၁၈)တပ်ရင်း ၊ရွှေဘိုခရိင်အမှတ်(၂၃)တပ်ရင်း၊ ကြောင်လက်သည်း တပ်ဖွဲ့၊ တပ်ရင်း၁၈တပ်ခွဲ(၁) ဝက်လက်မင်းသားကြီးအဖွဲ့၊ တပ်ခွဲ(၂) ProLife အဖွဲ့ တပ်ခွဲ(၃)ဗိုလ်သင်္ချိုင်းအဖွဲ့ တပ်ခွဲ(၄)ဗိုလ်ကျားကြီးအဖွဲ့ ၊ ဝက်လက်ဒေါင်းနီအဖွဲ့၊ ဒေါင်းစစ်သည်အဖွဲ့ များ ပူးပေါင်းဆင်နွှဲခဲ့ခြင်းဖြစ်သည်ဟု ထုတ်ပြန်ထားသည်။

ဆက်စပ်သတင်းများ

သတင်း

စစ်ကိုင်းတိုင်း၊ဝက်လက်မြို့နယ်အနောက်ခြမ်းက ကျေးရွာ ၄ရွာကို စစ်တပ်က ၂နာရီကြာ လေကြောင်းတိုက်ခိုက်ခဲ့တာကြောင့် အမျိုးသား ၃ဦး သေဆုံးပြီး ၁၂ဦးဒဏ်ရာရကာ ဒဏ်ရာပြင်းထန်သူတွေလည်းရှိတယ်လို့ ဒေသခံတွေကပြောပါတယ်။

သတင်း

စစ်ကိုင်းတိုင်း ၊ဝက်လက်မြို့နယ်အရှေ့မြောက်ဘက်ကို အာဏာသိမ်းစစ်တပ်ကအောက်တိုဘာလ ၄ ရက်မှာလေကြောင်းတိုက်ခိုက်တာကြောင့် အရပ်သား တစ်ဦး သေဆုံးပြီး နှစ်ဦး ထိခိုက်ဒဏ်ရာရရှိခဲ့တယ်လို့ ဒေသတွင်း စစ်ရေး သတင်းအရင်းအမြစ် တစ်ဦးကပြောပါတယ်။

သတင်း

စစ်ကိုင်းတိုင်း ဝက်လက်မြို့နယ်အတွင်းက အဝေးပြေးလမ်းမကြီးတွေပေါ်မှာ သပိတ်တိုက်ပွဲဦးဆောင်ကော်မတီက ပြည်သူ့အသံနဲ့ ပြည်သူ့သဘောထားကို ဦးစားပေးရပ်တည်ပေးနေတဲ့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းရဲ့ ရုပ်ပုံပါ ဆိုင်းဘုတ်တွေ စိုက်ထူပြီး ဒီကနေ့ (အောက်တိုဘာ ၂) လှုပ်ရှားမှု ပြုလုပ်ခဲ့ကြပါတယ်။

သတင်း

စစ်ကိုင်းတိုင်း၊ ၀က်လက်မြို့နယ်အရှေ့ခြမ်းနဲ့ ဧရာဝတီမြစ်ရိုးတလျောက်တိုက်ပွဲတွေမှာ အာဏာသိမ်းစစ်တပ်ထံက ဂျန်ဘာကားအပါအ၀င် စစ်ကား ၅စီး၊ဒရုန်းတွေနဲ့လက်နက်တွေ သိမ်းဆည်းရရှိတယ်လို့ရွှေဘိုခရိုင် အမှတ် (၂)တပ်ရင်းက ဒီကနေ့ ထုတ်ပြန်ပါတယ်။

Facebook