Connect with us

Hi, what are you looking for?

သတင်း

ထီးချိုင့်ကို စစ်ကောင်စီဗုံးကြဲ၊ ကလေးငယ်တစ်ဦးသေဆုံးပြီး တဦးဒဏ်ရာရ

တိုက်ပွဲဖြစ်ပွားခြင်းမရှိဘဲထီးချိုင့်မြို့နယ်၊ တုံလုံရွာကို စစ်ကောင်စီက လေကြောင်းဗုံးကြဲတိုက်ခိုက်ရာ ကလေးငယ်တစ်ဦးသေဆုံးပြီး တဦးဒဏ်ရာရှိခဲ့ကြောင်း​ဒေသခံအချို့က​ပြောသည်။

သားကြီး/People’s Spring

တိုက်ပွဲဖြစ်ပွားခြင်းမရှိဘဲ ထီးချိုင့်မြို့နယ်၊ တုံလုံရွာကို စစ်ကောင်စီက လေကြောင်းဗုံးကြဲတိုက်ခိုက်ရာ ကလေးငယ်တစ်ဦးသေဆုံးပြီး တဦးဒဏ်ရာရှိခဲ့ကြောင်း​ဒေသခံအချို့က​ပြောသည်။

တုံလုံရွာကို ဇန်နဝါရီလ၂၀ရက်နေ့ နံနက်ပိုင်းတွင် လေကြောင်းမှတိုက်ခိုက်ခြင်းဖြစ်သည်ဟု ထီးချိုင့်မြို့မှစစ်ဘေးရှောင်လာသူတဦးကပြောသည်။

“အခြေအနေတွေက ငြိမ်သက်နေတာပါ။ တိုက်ပွဲရော စစ်ရေးလှုပ်ရှားမှုရောဘာမှမရှိပါဘူး။ တုံလုံရွာထဲက အိမ်တည့်တည့်ကို ဗုံးကြဲတာပါ” ဟု အဆိုပါ စစ်ရှောင်ကပြောသည်။

Public Service Announcement

Public Service Announcement

ထီးချိုင့်မြို့ကို ပြည်သူ့ကာကွယ်ရေးတပ်ဖွဲ့များက ၂၀၂၃ ခုနှစ်မှစ၍ တိုက်ခိုက်ခဲ့ပြီး အပြီးသတ်သိမ်းယူနိုင်ခြင်းမရှိသေးပေ။သို့သော် တရုတ်အစိုးရရင်းနှီးမြုပ်နှံထားသည့် တကောင်းနီကယ်စက်ရုံရှိသော ထီးချိုင့်မြို့နယ် မောင်းကုန်းကျေးရွာကို ကာကွယ်ရေးတပ်များက သိမ်းယူခဲ့ပြီး မောင်းကုန်းကျေးရွာသည် စစ်ကောင်စီကင်းစင်နယ် မြေဖြစ်ပြီဟုအမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက ၂၀၂၄ ဩဂုတ်လ ၂ ရက်တွင်ထုတ်ပြန် ကြေညာခဲ့သည်။

စစ်ကောင်စီက၂၀၂၄ခုနှစ် ၊စက်တင်ဘာလ ၁ ရက်တွင် မောင်ကုန်းကျေးရွာအားလေကြောင်းမှတိုက်ခိုက်ရာ ဒေသခံအရပ်သား ကိုးဦးသေဆုံးခဲ့သည်။

စစ်ကောင်စီသည် ဇန်နဝါရီ ၂၀ ရက်​နေ့ညကလည်း စစ်ကိုင်းတိုင်း၊ ခါမ်းပါတ်မြို့ကို လေကြောင်းမှ ဗုံးကြဲတိုက်ခိုက်ခဲ့သည်။ အဆိုပါတိုက်ခိုက်မှု၌ ထိခိုက်သေဆုံးသူ မရှိခဲ့ပေ။

ဆက်စပ်သတင်းများ

သတင်း

စစ်ကိုင်းတိုင်း ထီးချိုင့်နဲ့ အင်းတော်မြို့နယ်တိုက်ပွဲတွေမှာ စစ်တပ်က သေဆုံးထိခိုက်မှုများပြားခဲ့ပြီး လက်နက်နဲ့ သုံ့ပန်းအချို့ရရှိခဲ့ကြောင်းပြည်သူ့ကာကွယ်ရေးတပ်မတော်-မန္တလေး(MDY PDF)အထူးလှုပ်ရှားတပ်မက ထုတ်ပြန်ပါတယ်။

သတင်း

စစ်ကိုင်းတိုင်း၊ တန့်ဆည်မြို့နယ်က စာသင်ကျောင်းကို စစ်တပ်က ဂျက်ဖိုက်တာ ၂စီးနဲ့ ဗုံးကြဲတိုက်ခိုက်ခဲ့တယ်လို့ ဒေသခံသတင်းရင်းမြစ်တချို့က ပြောပါတယ်။

သတင်း

မြောက်ဦးမြို့၊ လေးမြို့စားရပ်ကွက်ရှိ ယာယီဖွင့်လှစ်ထားတဲ့ သားဖွားဆေးရုံကို အာဏာသိမ်းစစ်တပ်က ဒီနေ့ ညနေပိုင်းမှာ ဗုံးကြဲခဲ့တာကြောင့် ကလေးငယ်၊ အမျိုးသမီးအပါအ၀င် ၄ ဦး သေဆုံးပြီး ၄ ဦးထက်မနည်း ဒဏ်ရာရသွားခဲ့တယ်လို့ ဒေသခံတွေက ပြောကြပါတယ်။

သတင်း

စစ်ကိုင်းတိုင်း၊ မြင်းမူမြို့နယ်မှာ စစ်တပ်က စာသင်ကျောင်း ၃ ကျောင်းအနီး လေကြောင်းကနေ ဗုံးကြဲတိုက်ခိုက်လို့ သက်ကြီးရွယ်အို ၁ ဦးအပါအဝင် ပြည်သူ ၂ ဦး သေဆုံးခဲ့ပါတယ်။