ဆဏ်း/People’s Spring
ထိုင်းနိုင်ငံ ချင်းမိုင်မြို့မှာ ပြုလုပ်ခဲ့တဲ့ ရန်ပုံငွေရုပ်ရှင်ပြပွဲကနေ ကျပ်သိန်း ၂၈၀ခန့်ရရှိခဲ့ပြီး စစ်ဘေးရှောင်ပြည်သူတွေကို ကူညီပေးသွားမယ်လို့ သရုပ်ဆောင် မင်းမော်ကွန်းက အသိပေးထားပါတယ်။
“ချစ်သောရဲဘော်များနဲ့အတူတကွ..ဖြတ်၊ချင်းမိုင်ရုပ်ရှင်ပြပွဲ ကျပ်သိန်း၂၈၀၊ ချစ်တဲ့ကိုပေါ့်စကားလိုပါပဲ၊ပြည်သူမှပြည်သူ့ထံသို့ “လို့ မင်းမော်ကွန်းရဲ့ လူမှုကွန်ရက်စာမျက်နှာ ရေးသားထားပါတယ်။
မင်းမော်ကွန်းပါဝင်သရုပ်ဆောင်ထားတဲ့ ပထမဆုံး တော်လှန် ရုပ်ရှင် ဖြတ် ဇာတ်ကားနဲ့ အတူတကွ ဇာတ်ကားတို့ကို ဇန်နဝါရီ ၂၀ရက်က ချင်းမိုင်တက္ကသိုလ်မှာ ရန်ပုံငွေရုပ်ရှင်ပြပွဲအနေနဲ့ ပြသခဲ့တာပါ။
Public Service Announcement
ပွဲစဉ်နှစ်ခုပြသပေးခဲ့တာဖြစ်ပြီး နှစ်ပွဲစလုံးကို ရုံပြည့်ရုံလျှံအားပေးခဲ့တယ်လို့ Together Production က အသိပေးထားပါတယ်။
ဒီရုပ်ရှင်ပြပွဲကရရှိလာတဲ့ ရန်ပုံငွေတွေကို စစ်ကိုင်း ၊ မန္တလေးနဲ့ မကွေး ဒေသတွေက စစ်ရှောင်တွေအတွက် ကူညီသွားမှာဖြစ်ပြီး ရရှိလာတဲ့ ငွေအားလုံးကို ကူညီပေးသွားမှာဖြစ်တယ်လို့ Together Productionက ဆိုပါတယ်။
