သတိုး/ People’s Spring
စစ်ကိုင်းတိုင်းနှင့် တနင်္သာရီတိုင်းအတွင်းရှိ သပိတ်အဖွဲ့များနှင့် ဒေသခံပြည်သူများက စစ်အာဏာရှင်ဆန့်ကျင်ရေးလှုပ်ရှားမှုများကို ကို ယနေ့ (ဖေဖော်ဝါရီ ၆) ပြုလုပ်ခဲ့သည်။
စစ်ကိုင်းတိုင်း ဆားလင်းကြီးမြို့နယ် ရှိ ကျေးရွာတစ်ရွာတွင် လက်ပံတောင်းတောင်ဒေသ အာဏာရှင်ဆန့်ကျင်ရေးသပိတ်အင်အားစုက ဦးဆောင်၍ “အထွေ ထွေ ဖိနှိပ်မှုကို အံတုကြ ဘုံရန်သူကို ထွက်ပေါက်မပေးနဲ့ ” ခေါင်းစဉ်ဖြင့် အာဏာရှင်လှုပ်ရှားမှုပြုလုပ်ခဲ့ခြင်းဖြစ်သည်။
ထို့အတူ ယင်းမာပင် မြို့တွင်လည်း “အောင်လံလွှင့်မည် ရွှေရေကြည် လူထုသပိတ်စစ်ကြောင်း” က “အထွေထွေကြပ်တည်းမှုကို အံတုကြ”
Public Service Announcement
“ဘုံရန်သူကို ထွက်ပေါက်မပေးနဲ့” ဆိုသည့် စာသားကိုင်ဆောင်ကာအာဏာသိမ်းမှုကို အလိုမရှိကြောင်း ဆန္ဒထုတ်ဖော်ခဲ့ကြသည်။
ယင်းဆန္ဒပြပွဲတွင်ပါဝင်သူများက “အာဏာရှင်မှန်သမျှ ဆန့်ကျင်ကြ” ၊ “အတုယောင်ရွေးကောက်ပွဲ ကို ဆန့်ကျင်ကြ”၊ “ပြည်သူ့အားသာ အခရာ” စသည့် စာသားများကိုကိုင်ဆောင်၍ အာဏာရှင်ဆန့်ကျင်ကြောင်းပြသခဲ့သည်။
ထို့အတူ တနင်္သာရီတိုင်း ထားဝယ်ခရိုင် လောင်းလုံမြို့နယ်တွင် ထားဝယ်ခရိုင် ဒီမိုကရေစီအရေးလှုပ်ရှားမှု သပိတ်ကော်မတီ(DDMSC)က ဦးဆောင်၍ အာဏာရှင်ဆန်ကျင်ရေး လူထုသပိတ်လှုပ်ရှားမှု ပြုလုပ်ခဲ့သည်။
ယင်းလှုပ်ရှားမှုကို “ကြောက်စိတ်တွေကိုဖယ်ရှား အမှောင်ခေတ်ကို ရဲရဲကျော်လွှား” ဟုခေါင်းစဉ်ပေးထားပြီး အမျိုးသမီး များ ၊ လူငယ်များ နှင့် ဒေသခံများပါဝင်ခဲ့ကြသည်။
