ကျော်ဇော/People’s Spring
မကွေးတိုင်း၊ စလင်းမြို့နယ်တွင် ဧရာဝတီမြစ်ကြောင်းအတိုင်း ဆန်တက်လာသည့် စစ်ကောင်စီ၏ စစ်သင်္ဘောတစ်စင်းကို မဟာမိတ်အဖွဲ့များနှင့်အတူ ကြားဖြတ်တိုက်ခိုက်ခဲ့ကြောင်း စလင်းမြို့နယ် ပကဖ မှ ပြန်ကြား ရေးတာဝန်ခံက လူထုနွေဦးသို့ ပြောသည်။
ယမန်နေ့(ဖေဖော်ဝါရီလ ၇ ရက်)နံနက် ၁၁ နာရီခွဲခန့်က မင်းဘူးမြို့ဘက်မှ စလင်းမြို့ နယ်၊ တညောင်တိုက်နယ်ဘက်သို့ မြစ် ကြောင်းအတိုင်း ဆန်တက်လာသော စစ်သဘော်တစ်စင်းကို မဟာမိတ်ပူးပေါင်းတပ်များက လက်နက်ကြီး၊ လက်နက် ငယ်များဖြင့် စောင့်ကြိုတိုက်ခိုက်ခဲ့ခြင်းဟု ၎င်းက ပြော သည်။
“ကျနော်တို့ သိထားရသလောက်တော့ အဲဒီစကစ သဘော်က ပခုက္ကူလောက်အထိ ဆန်တက်မယ်လို့ သိရတယ်ဗျ။ အဲဒီမှာ ကျနော်တို့က လမ်းကနေစောင့်ပြီး ပစ်ခတ်တိုက်ခိုက်ခဲ့တာ”ဟု စလင်းမြို့နယ် ပကဖ ပြန်ကြားရေးတာဝန်ခံက လူထုနွေဦးသို့ ပြောသည်။
Public Service Announcement
အဆိုပါ စစ်ကောင်စီတပ်ရေယာဥ်ပေါ်တွင် စစ်ကောင်စီတပ်သား အင်အား ၅၀ ခန့်လိုက် ပါလာပြီး မဟာမိတ်တပ်များ၏ ပစ်ခတ်တိုက်ခိုက်မှုကို စက်ကလေးဖြင့် ပြန်လည်ခုခံကာ အတွင်းသတင်းအရ စစ်ကောင်စီတပ် သားတစ်ဦးသေဆုံး၍ ခြောက်ဦးထက်မနည်း ထိခိုက်ဒဏ်ရာရသွားကြောင်း ၎င်းက ဆက်ပြောသည်။
မင်းဘူးမြို့နယ်ဘက်မှ စလင်းမြို့နယ်အ တွင်းသို့ ဝင်ရောက်လာသော စစ်ကောင်စီတပ်ရေယာဥ်အုပ်စုမှာ ၁၃ စီးခန့်ပါဝင်ပြီး ယင်းအနက် ၁၂ စီးမှာ ကုန်းဇောင်းနှင့် သံကိုင်း ဆိပ်ကမ်းများအနီး ဆိုက်ကပ်ကျန်ရစ်ခဲ့ပြီး ကြားဖြတ်တိုက်ခိုက်ခံရသည့် တစ်စီးသာလျင် မြစ်အထက်ပိုင်းသို့ ဆန်တက်လာခြင်းဖြစ်ကြောင်း မဟာမိတ်တပ်ဖွဲ့များထံမှ စုံစမ်းသိရသည်။
အထက်ပါ စစ်ကောင်စီတပ်ရေယာဥ်အား တိုက်ခိုက်မှုကို စလင်းမြို့နယ် ပကဖ၊ မင်းဘူးခရိုင်လက်ရုံးတပ်ဖွဲ့၊ ဧရာဘီလူး(LPDF)၊Tiriger Freighter(LPDF)နှင့် ဒေါင်းစစ် အောင်(LPDF)အဖွဲ့တို့ ပူးပေါင်းတိုက်ခိုက်ခဲ့ခြင်း ဖြစ်သည်။
