သုည/People’s Spring
ရန်ကုန်မြို့တွင် စစ်ကောင်စီမှလုံခြုံရေးအင်မတန်တင်းကြပ်ထားသည့်ကြားမှ တော်လှန်လူငယ်များက ဦးဆောင်၍ လူစည်ကားရာ နေရာအနှံ့အပြား၌ စစ်အာဏာရှင်စနစ် ဆန့်ကျင်ရေး စာတန်းများအား ဆေးမှုတ်ကာ လှုံ့ဆော်မှုကို ယနေ့ (ဖေဖော်ဝါရီ ၁၀)ပြုလုပ်ခဲ့သည်။
တော်လှန်လူငယ်များက “ငုံ့မခံနဲ့တုံ့ပြန်” ၊ “နင်းသတ်လို့မသေ ဆက်တိုက်လို့နေ” ၊ “တော်လှန်မလား ကျွန်ခံမလား” စသည့်စာသားများကို ဆေးမှုတ်ပြီး လက်ရှိပြည်သူလူထု ခံစားနေရသော စိုးရိမ်မှုများ၊ ဖိနှိပ်မှုများမှ ရုန်းထွက်ကြရန်၊ စစ်ကောင်စီ၏ ဖိနှိပ်မှုမှန်သမျှကို ငုံ့မခံဘဲ ရရာနည်းဖြင့် တွန်းလှန်ကြရန် လှုံ့ဆော်တိုက်တွန်းခဲ့သည်။
ယင်းဆန္ဒပြလှုပ်ရှားမှုကို “Revolutionary People’s Association” မှ လူငယ်များက ပူးပေါင်းဆောင်ရွက်ခဲ့ခြင်း ဖြစ်သည်။
Public Service Announcement
