မေ/People’s Spring
မန္တလေးတိုင်း၊ မတ္တရာမြို့နယ်ရှိ ပတ်လည်အင်းကျေးရွာကို စစ်တပ်က ဟောင်ဝစ်ဇာအ မြောက်နဲ့ပစ်ခတ်ခဲ့ရာ ဒေသခံပြည်သူ ၅ ဦးထိခိုက်ဒဏ်ရာတွေရခဲ့သလို ဒီနေ့လည်း စဥ့်ကူးမြို့နယ်ကိုလေကြောင်းတိုက်ခိုက်ခဲ့တယ်လို့ ပြင်ဦးလွင် ခရိုင်ပြည်သူ့ကာကွယ်ရေးအဖွဲ့ (ပကဖ) သတင်းတာဝန်ခံဆီက ပြောပါတယ်။
ဖေဖော်ဝါရီ ၁၀ရက် မနေ့က နေ့လည်၁၂ နာရီကျော်လောက်မှာ မတ္တရာမြို့၊ ဘောလုံးကွင်းအတွင်းမှာ အထိုင်ချတပ်စွဲထားတဲ့ စစ်တပ်က ဟောင်ဝစ်ဇာအမြောက်နဲ့ပစ်ခတ်ခဲ့တာလို့ သိရပါတယ်။
“မနေ့က ဟောင်ဝစ်ဇာတွေနဲ့တော်တော်ပစ်တယ်။နေ့ခင်းလည်း ပတ်လည်အင်းကို ပစ်တယ်။ညဘက်လည်း မြစ်ကမ်းဘေးကရွာတွေကို ပစ်တာ။ မီးတန်းတွေမြင်နေရတယ် “လို့ ဒေသခံတစ်ဦးက ပြောပါတယ်။
Public Service Announcement
ဒီနေ့မနက် ၉ နာရီကျော်နဲ့ ၁၀ နာရီကျော်မှာလည်း စဥ့်ကူးမြို့နယ်၊ ရွှေပြည်ကျေးရွာကို လေကြောင်းတိုက်ခိုက်မှု သုံးကြိမ်ပြုလုပ်ခဲ့သေးတယ်လို့ သိရပါတယ်။
“ရွှေပြည်၊ ဘုံသာဘုန်းကြီးကျောင်းပေါ်ကျတာအထိခိုက်မရှိဘူး”လို့ ပြင်ဦးလွင်ခရိုင်ပကဖသတင်းတာဝန်ခံက ပြောပါတယ်။
ဒေသခံတစ်ဦးရဲ့ပြောကြားချက်အရ ပကဖရဲဘော်တစ်ဦးရဲ့ မင်္ဂလာဆောင်ကို လေကြောင်းတိုက်ခိုက်ခဲ့တာဖြစ်ပြီး အထိခိုက်မသိရသေးဘူးလို့ ဆိုပါတယ်။
ဖေဖော်ဝါရီ ၉ရက် ညပိုင်းကလည်း မိုးကုတ်မြို့ကို စစ်တပ်ကလေကြောင်းတိုက်ခိုက်ခဲ့လို့ ပြည်သူ ၅ဦး သေဆုံးခဲ့ပါသေးတယ်။
