သုည/People’s Spring
စစ်ကိုင်းတိုင်း အရာတော်မြို့နယ်တွင် ကျောင်းသားလူငယ်များက ဦးဆောင်၍ ယနေ့ (ဖေဖော် ဝါရီ ၁၃)ကျရောက်သည့် ဗိုလ်ချုပ် အောင်ဆန်း၏ (၁၁၀)နှစ်ပြည့် မွေးနေ့နှင့်အတူ ဗိုလ်ချုပ်အောင်ဆန်းကို အောက်မေ့သတိရခြင်းအားဖြင့် ပဲပြုတ်နှင့်နံပြားအား ကျွေးမွေးသည့် လှုပ်ရှားမှုကို ယနေ့ (ဖေဖော်ဝါရီ ၁၃) ပြုလုပ်ခဲ့သည်။
လူငယ်များက ဗိုလ်ချုပ်အောင်ဆန်း၏ မိန့်ခွန်းစာသားများဖြစ်သော “ကျောင်းသားတွေနိုင်ငံရေး မလုပ်ရင် သူတောင်းစားတွေ သမ္မတ ဖြစ်ကုန်လိမ့်မယ်”၊ “အခြားလွတ်လပ်သောနိုင်ငံများ ခြေလှမ်းတစ်လှမ်း လှမ်းလျှင်ကိုယ်က ခြေလေး၊ငါးလှမ်း လှမ်းနိုင်မှတော်ရုံရမယ် ဒီလိုမှမလုပ်ရင် ဟိုလူ့ မျက်နှာချိုသွေးရ ဒီလူ့လာ မျက်နှာချိုသွေးရ၊ ဖာသည်နိုင်ငံဖြစ်မှာပဲ” စာသားများချိတ်ဆွဲကာ ဆန္ဒထုတ်ဖော်ခဲ့ပြီး စစ်အာဏာရှင်ကို ဆန့်ကျင်ရန်လည်း တိုက်တွန်းနှိုးဆော်ခဲ့သည်။
အဆိုပါလှုပ်ရှားမှုကို အရာတော်မြို့နယ် အခြေခံပညာကျောင်းသားများသမဂ္ဂ (ဗကသများအဖွဲ့ချုပ်)နှင့် မဟာမိတ်အင်အားစုများ ပူးပေါင်းလုပ်ဆောင်ခဲ့ခြင်းဖြစ်သည်။
Public Service Announcement
