မင်းညို/People’s Spring
မန္တလေးတိုင်း၊ မြင်းခြံမြို့ပေါ်မှာ ဆိုင်ကယ်နဲ့ကင်းပတ်နေတဲ့ ပျူစောထီး ၂ ဦး ပစ်ခတ်ခံရပြီး သေဆုံးခဲ့လို့ Anyar Federal Task Force(AFTF)အဖွဲ့ရဲ့ တာဝန်ရှိသူက ပြောပါတယ်။
ပြီးခဲ့တဲ့ ဖေဖော်ဝါရီ ၁၇ ရက် မနက် ၁၀ နာရီ ၄၅ မိနစ်ခန့်က မြင်းခြံမြို့ပေါ် အမှတ် ၁၈ ရပ်ကွက်ထဲ ဆိုင်ကယ်စီးလာတဲ့ လက်နက်ကိုင် ပျူစောထီး ၂ ဦးကို ပစ်ခတ်တိုက်ခိုက်ခဲ့ရာမှာ ၂ ဦးလုံး သေဆုံးခဲ့တယ်လို့ အထက်ပါတာဝန်ရှိသူက ပြောပါတယ်။
“မြင်းခြံအမှတ်(၃)အုပ်ကြီးတပည့်ပျူနှစ်ကောင်ကိုမြင်းခြံမြို့ ရပ်ကွပ်တစ်နေရာကနေ ချောင်းမြောင်းပစ်ခတ်ခဲ့ပါတယ်။ ပျူကောင်နှစ်ကောင်နေရာမှာတင်သေဆုံးခဲ့ပါတယ်။ သေနတ်ကောက်ဖို့ကကျ မြို့ထဲဆိုတော့ကောက်ချိန်မရခဲ့ဘူး။ ခွေးတွေနဲ့နီးလွန်းတော့တန်းပြီးရောက်လာတယ်။”လို့ AFTF အဖွဲ့ရဲ့တာဝန်ရှိသူက ပြောပါတယ်။
Public Service Announcement
မြင်းခြံမြို့ပေါ်မှာ လက်နက်ကိုင်ပျူစောထီး၂ ဦး ပစ်ခတ်ခံရကြောင်း မြင်းခြံလူထုလှုပ်ရှားမှုကော်မတီက အတည်ပြုထားပါတယ်။ ဒါပေမယ့်ပျူ ၂ ဦး သေဆုံးတယ်ဆိုတာကိုတော့ လူထုနွေဦးက အတည်ပြုနိုင်ခြင်း မရှိသေးပါဘူး။
အဆိုပါ တိုက်ခိုက်မှုကို Freedom Fighter Guerrilla Force (FFGF)၊Anyar Federal Task Force(AFTF)၊ 8 Stars အဖွဲ့တို့ ပူးပေါင်းတိုက်ခိုက်ခဲ့တာလို့ သိရပါတယ်။
ဖေဖော်ဝါရီ ၁၇ ရက် ည၁၀ နာရီလောက်မှာ မြင်းခြံမြို့နယ် ၊တူရွင်းဘို့ရွာကို မိတ္ထီလာရှမ်းတဲလေတပ်ကနေ ဂျက်ဖိုက်တာနဲ့ လေကြောင်းတိုက်ခိုက်လို့ ပြည်သူ ၃ဦးသေဆုံးပြီး ၇ဦးထိခိုက်ဒဏ်ရာရရှိကာ နွားတစ်ကောင်သေဆုံးခဲ့တယ်လို့မြင်းခြံလူထုလှုပ်ရှားမှုကော်မတီက ထုတ်ပြန်ထားပါတယ်။
ဒါ့အပြင် အိမ်သုံးလုံးလည်း ပျက်စီးခဲ့ပါတယ်။မြင်းခြံမြို့နယ်မြောက်ပိုင်းနဲ့ နွားထိုးကြီးနယ်တွေမှာလည်း စစ်ကောင်စီတပ်နဲ့ ဒေသတွင်းတော်လှန်ရေးတပ်ဖွဲ့များ တိုက်ပွဲတွေ မကြာခဏဖြစ်ပွားနေပါတယ်။
