အိမ်သွင်/People’s Spring
မြန်မာနိုင်ငံဒေသအများစု၌ ယနေ့(ဖေဖော်ဝါရီ ၂၄ ရက်)မှ ၂၈ ရက်အတွင်း အချိန်အခါမဟုတ်မိုးရွာနိုင်ကြောင်း အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)က သတိပေးထုတ်ပြန်သည်။
ယင်းကာလအတွင်း မြန်မာနိုင်ငံအထက်ပိုင်း၊ အလယ်ပိုင်းနှင့် တောင်ပိုင်းဒေသများတွင် နေရာကွက်၍ မိုးရွာနိုင်ခြင်းဟု သတိပေးထားသည်။
လက်ရှိ ရာသီဥတုအခြေအနေသည် လေထုမတည်မငြိမ်ဖြစ်နေရာမှာ မြန်မာတွင် အချိန်အခါမဟုတ် မိုးရွာနိုင်ခြင်းဖြစ်သည်။
Public Service Announcement
ဖေဖော်ဝါရီ ၂၄ရက်မှ ၂၅ရက်အတွင်း ရန်ကုန်အပါအဝင် ဒေသအများအပြား နေရာကွက်မိုးရွာနိုင်ပြီး ဖေဖော်ဝါရီ ၂၆ရက်မှစ၍ မွန်၊ကရင်ပြည်နယ်နှင့် တနင်္သာရီတိုင်းတို့တွင် မိုးရွာနိုင်ကြောင်း ထုတ်ပြန်ထားသည်။
ယခုတစ်ပတ်အတွင်း အချိန်အခါမဲ့ မိုးရွာနိုင်သလို နေ့အပူချိန်များ ဆက်လက်မြင့်မားနေနိုင်ကြောင်း MOHADMက ထုတ်ပြန်သည်။ရန်ကုန်အပါအဝင် မြန်မာနိုင်ငံဒေသအများစု၌ ဇန်နဝါရီနှောင်းပိုင်းမှစ၍ အပူချိန်များ သိသိသာသာမြင့်တက်လာခြင်းဖြစ်သည်။
