မေ/People’s Spring
မန္တလေးတိုင်း၊ သပိတ်ကျင်းမြို့နယ်ထဲမှာ စစ်တပ်နဲ့တော်လှန်ရေးတပ်တွေ တိုက်ပွဲတွေဆက်တိုက်ဖြစ်နေသလို ရွှေလုပ်ကွက်နေရာတွေကိုလည်း စစ်တပ်ကလေကြောင်းတိုက်တာတွေ ပြုလုပ်နေတယ်လို့ဒေသခံတွေဆီက ပြောပါတယ်။
ဇန်နဝါရီ ၂၂ရက်က ချောင်းကြီးကျေးရွာအနီးက ရွှေလုပ်ကွက်ထဲကို လေကြောင်းတိုက်ခိုက်ခဲ့တာမို့ ပြည်သူတစ်ဦးသေဆုံးပြီး ၁၅ဦး ထိခိုက်ဒဏ်ရာတွေရရှိခဲ့တယ်လို့ ဒေသခံတစ်ဦးက ပြောပါတယ်။
ဖေဖော်ဝါရီ ၂၄ရက် ဒီနေ့မနက်ပိုင်းကလည်း သပိတ်ကျင်းမြို့နယ်ထဲကနေရာကို စစ်တပ်ကထပ်မံလေကြောင်းတိုက်ခိုက်ခဲ့သေးတယ်လို့ သိရပါတယ်။
Public Service Announcement
ဒီနေ့ လေကြောင်းတိုက်ခိုက်ခံရမှုမှာ ထိခိုက်မှုတော့ မသိရသေးပါဘူး။
သပိတ်ကျင်းမြို့နယ်အတွင်း အခုလိုလေကြောင်းတိုက်ခိုက်မှုတွေကို စစ်တပ်က မကြာခဏပြုလုပ်လေ့ရှိပြီး လူသေဆုံးမှုတွေလည်းများပြားခဲ့ပါတယ်။
လက်ရှိမှာ သပိတ်ကျင်းမြို့နယ်က တွင်းငယ်ကျေးရွာအနီးနဲ့ (၇)မိုင်ဘက်တွေမှာ ထိတွေ့တိုက်ပွဲတွေရှိနေဆဲဖြစ်တာမို့ တော်လှန်ရေးတပ်တွေကို သက်ဆိုင်ရာက အင်တာဗျူးဖြေဆိုခွင့် ပိတ်ထားတယ်လို့လည်းသိရပါတယ်။
၂၀၂၄ ဒီဇင်ဘာ၂ရက် ညပိုင်းကလည်း သပိတ်ကျင်းမြို့နယ်က ချောင်းကြီးကျေးရွာကို စစ်တပ်ကလေကြောင်းတိုက်ခိုက်ခဲ့လို့ ပြည်သူ၂ဦးသေဆုံးပြီး ဒဏ်ရာရသူတွေလည်း များပြားခဲ့ပါတယ်။
