အာဏာသိမ်းစစ်တပ် လက်အောက်ခံ ကရင့်နယ်ခြားစောင့်တပ် (BGF) က အမှတ်စဉ် (၁၅) အခြေခံစစ်ပညာသင်တန်းဖွင့်ပွဲကို မနေ့ (ဖေဖော်ဝါရီ ၂၅) က BGF ထိန်းချုပ်နယ်မြေ ရွှေကုက္ကိုလ်မြို့သစ်မှာ ပြုလုပ်သွားပါတယ်။
ရွှေကုက္ကိုလ်မြို့သစ်မှာ ကျားဖြန့်လုပ်ငန်တွေ အခြေစိုက်ပြီး အွန်လိုင်းငွေလိမ်လည်မှုတွေနဲ့ လူကုန်ကူးမှုတွေကြောင့် တိုက်ဖျက်ဖို့ ဖိအားပေးမှုတွေနဲ့ ကြုံနေရတဲ့ BGF ဟာ တဖက်မှာလည်း အခြေခံစစ်သင်တန်းဖွင့်ပွဲ ပြုလုပ်တာပါ။
စစ်သင်တန်းကို နယ်ခြားစောင့်တပ်(ကရင်ပြည်နယ်) ဗဟိုအကြံပေးနဲ့ ကွပ်ကဲရေးအဖွဲ့ ကစီစဉ်တာဖြစ်ပြီးသင်တန်းကာလ ၃ လကြာမြင့်မယ်လို့ သိရပါတယ်။
Public Service Announcement
ဓာတ်ပုံ – ကရင်အမျိုးသားတပ်မတော်ဖေ့ဘွတ်ခ် 
ဓာတ်ပုံ – ကရင်အမျိုးသားတပ်မတော်ဖေ့ဘွတ်ခ် 
ဓာတ်ပုံ – ကရင်အမျိုးသားတပ်မတော်ဖေ့ဘွတ်ခ် 
ဓာတ်ပုံ – ကရင်အမျိုးသားတပ်မတော်ဖေ့ဘွတ်ခ် 
ဓာတ်ပုံ – ကရင်အမျိုးသားတပ်မတော်ဖေ့ဘွတ်ခ် 
ဓာတ်ပုံ – ကရင်အမျိုးသားတပ်မတော်ဖေ့ဘွတ်ခ် 
ဓာတ်ပုံ – ကရင်အမျိုးသားတပ်မတော်ဖေ့ဘွတ်ခ် 
ဓာတ်ပုံ – ကရင်အမျိုးသားတပ်မတော်ဖေ့ဘွတ်ခ်
မနေ့က ဖွင့်လှစ်တဲ့ အမှတ်(၁၅) စစ်အခြေခံပညာသင်တန်းမှာ သင်တန်းသား လူငယ် အမျိုးသား ၊အမျိုးသမီး ၃၀၀ ဝန်းကျင်ခန့်ရှိမယ်လို့ BGF သတင်းရင်းမြစ်တစ်ဦးက ပြောပါတယ်။
“(သင်တန်းသားတွေတော့) ကြည့်ရတာတော့ များတယ်၊ ပုံမှန်ဆို ၃ လ သင်တန်းပေါ့၊ အမြန်နည်းနဲ့ဆို ၁ လပေါ့” လို့ BGF သတင်းရင်းမြစ်ကပြောပါတယ်။
စစ်သင်တန်းတက်ရောက်တဲ့ လူငယ်လူရွယ်သင်တန်းသားတွေမှာ ကရင် ပြည်နယ်အတွင်းကျေးရွာတွေက လူငယ်တွေအပြင် ရွှေကုက္ကိုလ်မြို့အခြေစိုက် လုပ်ငန်းတွေမှာ လုံခြုံရေး ယူတဲ့ အလုပ်သမားတွေလည်း ပါဝင်တယ်လို့ BGF သတင်းရင်းမြစ်ရဲ့ ပြောပြချက်အရသိရပါတယ်။
ကရင့်နယ်ခြားစောင့်တပ်(BGF ) ရဲ့ ခေါင်းဆောင် ဗိုလ်မှုးကြီး စောချစ်သူအပါအဝင် ခေါင်းဆောင်ပိုင်းအချို့ဟာ ကျားဖြန့်လုပ်ငန်းနဲ့ ဆက်စပ်ပြီး လူကုန်ကူးမှု သံသယနဲ့ ထိုင်းအထူးစုံစမ်းစစ်ဆေးရေးအထူးဌာန ကဖမ်းဝရမ်းထုတ်ဖို့ အသံထုတ်ခဲ့တာရှိပါတယ်။
ဗိုလ်မှုးကြီးစောချစ်သူကတော့ ကျားဖြန့် လုပ်ငန်းတွေ နဲ့ ပတ်သက်ဆက်နွယ်မှု မရှိဘူးလို့ အတိအလင်းငြင်းဆိုထားပါတယ်။
