ကဖေး/People’s Spring
ရခိုင်ပြည်နယ် နှင့် ဧရာ၀တီတိုင်းနယ်စပ် သာပေါင်းမြို့နယ်အတွင်း တိုက်ပွဲပြင်းထန်နေ၍ သစ်ထုတ်လုပ်ရေးဆင်များကို စစ်ကောင်စီလက်အောက်ခံ သစ်တောဝန်ထမ်းများကနေရာပြောင်းရွှေ့ပေးနေသည်။
သာပေါင်းမြို့နယ်မရမ်းချိုရွာမှသစ်ထုတ်လုပ်ရေးဆင် အကောင်ရေ၁၀၀ ကျော်ကိုဖေဖော်ဝါရီလကုန်မှာစ၍ အသုတ်လိုက် နေရာရွှေ့ နေခြင်းဖြစ်သည်။
အဆိုပါဆင်များသည် မူလက ဂွမြို့နယ်ဒေါင်းချောင်း ဆင်စခန်းမှဖြစ်ပြီး အာရက္ခတပ်တော်(AA)က ဂွမြို့သိမ်းတိုက်ပွဲ တိုက်ခိုက်သည့် ၂၀၂၄ ဒီဇင်ဘာလတွင် သစ်တောဝန်ထမ်းများနှင့်အတူ သာပေါင်းမြို့နယ်ဘက်သို့ လာရောက် တိမ်းရှောင်ခြင်းဖြစ်သည်။ ယခုအခါ သာပေါင်း၌ တိုက်ပွဲပြင်းထန်လာ၍ ထပ်မံရွှေ့ပြောင်းခြင်းဖြစ်သည်။
Public Service Announcement
“ငရုတ်ကောင်းဘက်ကို ထွက်သွားကြတယ်။ ဆင်တွေလည်း သနားပါတယ်။ဒါတွေကို ပူတင်ကို ဆရာတင်ထားတဲ့ကောင်( အာဏာသိမ်းစစ်ခေါင်းဆောင်) မသိဘူး” ဟု သာပေါင်းဒေသခံတဦးကပြောသည်။
မန္တလေးတိုင်း၊ သပိတ်ကျင်းမြို့နယ်နှင့် စဉ့်ကူးမြို့နယ် တို့တွင် ၂၀၂၄ ဇူလိုင်လက တိုက်ပွဲများ အတွင်း သစ်ထုတ်လုပ်ရေး ဆင် ၁၃၈ ကောင်နှင့်အတူ သစ်တောဝန်ထမ်းများတိမ်းရှောင်လာကြ၍ တော်လှန်ရေးတပ်များက ထိန်းသိမ်းစောက်ရှောက်ပေးခဲ့ကြသည်။
စစ်ကိုင်းတိုင်းရှိ အလောင်းတော်ကဿပ သဘာဝကြိုဝိုင်းအတွင်းရှိ ဆင်များ နှင့် မကွေးတိုင်း ၊ဂန့်ဂေါမြို့ရှိ ဆင်စခန်းများမှ ဆင်ဦးစီ များနှင့် သစ်တောဝန်ထမ်းများက ဆင်များနှင့် အတူCDM ပြုလုပ်၍ တော်လှန်ရေးအဖွဲ့များနှင့် ပူးပေါင်းခဲ့ကြသည်။
