ကရင်ပြည်နယ်၊ ဖာပွန်မြို့နယ် ကျောက်ကွင်းကျေးရွာ ဘုန်းကြီးကျောင်းအား စစ်ကောင်စီ လေကြောင်းမှဗုံးကြဲတိုက်ခိုက်ခဲ့ရာ သံဃာတစါပါး ပျံလွန်တော်မူခဲ့ပြီး ၂ဦး ဒဏ်ရာရခဲ့ကြောင်း ဒေသသတင်းရင်းမြစ်က ပြောသည်။
ကရင်အမျိုးသားအစည်းအရုံး(KNU) တပ်မဟာ(၅)နယ်မြေဖြစ်သည့် ဖာပွန်မြို့နယ် ကျောက်ကွင်းရာကို မတ်လ ၅ရက်က ဗုံးကြဲတိုက်ခိုက်ခဲ့ခြင်းဖြစ်သည်။
“စကစ အခုက စာသင်ကျောင်း၊ဘုန်းကြီးကျောင်း၊ ခရစ်ယာန်ကျောင်း လူထုတွေ သတိထားသင့်တယ်။ သူတို့ ခဏခဏ ဗုံးလာကြဲတယ်”ဟု ကရင်သတင်းရင်းမြစ်က ပြောသည်။
Public Service Announcement
အဆိုပါဒေသ၌ စစ်ကောင်စီက ယမန်နေ့(မတ်လ ၅ရက်)နှင့် ယနေ့တွင် လေယာဉ်ပျံဝဲမှုများ ရှိနေကြောင်းလည်း သတင်းရင်းမြစ်က ပြောသည်။
KNU ဗဟိုကလည်း စစ်ကောင်စီ၏ လေကြောင်း တိုက်ခိုက်မှုများကို အသိပေးထားရာ မတ်လ ၃ရက်က တပ်မဟာ(၃)နယ်မြေ ညောင်လေးပင်ခရိုင် မုန်းမြို့နယ်ကို လေကြောင်း ဗုံါ်ကြဲခဲ့၍ ပြည်သူလူထုပိုင် ပစ္စည်းများထိခိုက်ပျက်စီးခဲ့ရကြောင်း အသိပေးသည်။
ထို့ပြင် တပ်မဟာ(၆)နယ်မြေ ကော့ကရိတ်မြို့ကိုလည်း မတ်လ ၄ရက်နှင့် ၅ရက်က လေကြောင်း တိုက်ခိုက်မှု ၂ရက်ဆက်ပြုလုပ်ခဲ့ရာ ကလေးငယ် တစ်ဦးနှင့် အမျိုးသမီး ၃ဦး ဒဏ်ရာရရှိခဲ့သည်။
စစ်ကောင်စီတပ်သည် စစ်ရေး ပစ်မှတ်မဟုတ်သည့် ဘာသာရေး အဆောက်အဦးများ၊ ဆေးရုံဆေးခန်းများ၊ စာသင်ကျောင်းများနှင့် ပြည်သူများ နေထိုင်သည့် နေရာများအား ပစ်မှတ်ထားကာ ရည်ရွယ်ချက်ရှိရှိ လိုက်လံ ဗုံးကြဲလျက်ရှိကြောင်းလည်း KNU ဗဟိုက ထုတ်ပြန်သည်။
