မေ ၄၊၂၀၂၅။သတိုး/People’s Spring
စစ်ကောင်စီ၏ တောင်ပိုင်တိုင်းစစ်ဌာနချုပ် (တပခ)နှင့် တောင်ငူလေတပ်စခန်း တိုက်ခိုက်သည့် ဖြစ်စဉ်များအတွင်း စစ်ကောင်စီတပ်ထိခိုက်မှုများရှိကြောင်း Brave Warriors for Myanmar (BWM)က အသိပေးထားသည်။
တောင်ပိုင်းတိုင်းစစ်ဌာနချုပ်(တပခ)ကို ဧပြီ ၃၀ ရက် နံနက် ၁နာရီခွဲခန့်တွင် ၁၀၇ မမ ရှော့တိုက် ဒုန်း ရှစ်လုံးဖြင့်တိုက်ခိုက်ခဲ့ပြီး တောင်ငူလေတပ်စခန်းကို ည ၉နာရီခွဲခန့်တွင် ၁၀၇ မမရှော့တိုက်ဒုန်း ၆လုံးဖြင့် တိုက်ခိုက်ခဲ့ခြင်းဖြစ်သည်။
ထိခိုက်မှုများအနေဖြင့် တပခ တိုက်ခိုက်မှုတွင် စစ်ကောင်စီဘက်မှ ၈ဦးသေဆုံးပြီး ၁၇ဦးခန့် ဒဏ်ရာရရှိကာ တိုင်းငွေစာရင်းရုံး ၊ တိုင်းရုံးစစ်ဦးစီးဌာန ၊အရာရှိလိုင်းခန်းများ ပျက်စီးမှုရှိသည်ဟု BWM က ဆိုသည်။
Public Service Announcement
တောင်ငူလေတပ်စခန်းတိုက်ခိုက်မှုအတွင်း လေယာဉ်သိုလှောင်ရုံ အဆောက်အဦနှစ်ခုပျက်စီးခဲ့ပြီး စစ်ကောင်စီဘက်မှ သေဆုံးမှူများရှိသော်လည်း သတင်းဖုံးထားသောကြောင့် အတိအကျစုံစမ်း၍ မရကြောင်း ယင်းအဖွဲ့ကဆိုသည်။
အထက်ပါထိခိုက်မှုများနှင့်ပတ်သတ်၍ လူထုနွေဦး အနေဖြင့် သီးသန့်အတည်ပြုနိုင်ခြင်းမရှိပေ။
ယင်းတိုက်ခိုက်မှုများကို BWM၏ ဦးဆောင်မှုဖြင့် Mountain Knight Civilian Defense Forces (MKCDF)၊ Anti-Coup People’s Liberation Force (ACPLF) ၊ သံတောင်မြောက်ပိုင်း အထူးဒေသအဖွဲ့ တို့ပူးပေါင်းတိုက်ခိုက်ခဲ့ခြင်းဖြစ်သည်။
