မေ – ၁၄ ၊၂၀၂၅ ၊ဆိုင်းမင်း/People’s Spring
အင်အားပြင်းငလျင်ကြီးဒဏ်ခံလိုက်ရတဲ့မန္တလေးမြို့က နေရာအချို့မှာ အဝီစိရေတွင်းတွေ ထိခိုက်ပျက်စီးသွားပြီး ပြန်လည်ပြုပြင်ရတာ၊ အသစ်ပြန်တူးရတာတွေ ရှိနေတယ်လို့ဒေသခံတွေဆီကသိရပါတယ်။
ငလျင် အပြီးမှာ ရေထွက်နည်းသွားတာ ၊ ရေလုံးဝမထွက်တော့တာ ၊ ရေအရေအသွေးညံ့ဖျင်းသွားတာ ၊ အဝီစီတွင်း ပိုက်တွေကျိုးပြတ်တာတွေ ကြုံရတာပါ။
အချို့အဝီစိတွင်းတွေကို ရေကြည်ထွက်အောင် ပြုပြင်ပေးရတာအပြင် တွင်းပေါက်သွားတဲ့အတွက် အသစ်ပြန်တူးပေးရတာမျိုးထိရှိတယ်လို့ အဝီစိတွင်းတူးလုပ်ငန်း လုပ်ကိုင်သူတစ်ဦးကပြောပြပါတယ်။
Public Service Announcement
” အောက်မှာ ပိုက်ကျိုးတာမျိုးကတော့ ပြင်မရရင် အသစ်ပြန်တူးရတာတွေရှိတယ် “လို့ လုပ်သက် ၁၅နှစ်သက်တမ်းရှိတဲ့ စက်ရေတွင်းတူးလုပ်ကိုင်သူတစ်ဦးကဆိုပါတယ်။
ဒါအပြင်ရေကြောတွေ့ရှိတဲ့မြေအောက်အနက်ပေလည်း အရင်ကထက် ပိုတူးလာရတယ် လို့ စိန်ပန်းရပ်ကွက်ရှိ စက်ရေတွင်းတူးလုပ်ငန်းပိုင်ရှင်တစ်ဦးက ပြောပြပါတယ်။
ငလျင်ကြောင့် အဝီစိရေတွင်းပျက်စီးသွားပြီး အကူအ ညီလိုအပ်တဲ့နေရာတွေကို အလှုရှင်တွေနဲ့ချိတ်ဆက်ကာ ပြန်တူးပေးနေရတယ်လို့ ငလျင်ဘေးကူညီပေးနေသူတွေကပြောပါတယ်။
မန္တလေးမှာ မြို့နယ် ၇ ခု ရှိပြီး အဝိစိတွင်းရေကိုသာ အဓိထား အသုံး ပြု နေကြရတာပါ။
စည်ပင်ကဖြန့်ဝေပေးတဲ့ရေကလောက်ငှမှုမရှိတဲ့အတွက်ကိုယ်ထူကိုယ်ထ အဝီစိတွင်းရေကိုသာ အားပြုသုံးစွဲနေကြရတာလည်းဖြစ်ပါတယ်။
