အင်အားအသင့်အတင့်ရှိ ​နောက်ဆက်တွဲငလျင်ထပ်လှုပ်

■မန္တ​လေးမြို့မှ ပြည်သူများ လမ်းများ​ပေါ်သို့ထွက်​ပြေးရ

​မေ-၁၇၊၂၀၂၅။People’s Spring

မန္တလေးတိုင်း၊ကျောက်ဆည်မြို့အနောက်တောင်ဘက် ၂၁ ကီလိုမီတာ(၁၃ မိုင်​ကျော်)အကွာကိုဗဟိုပြု၍ ​မေလ ၁၇ ရက်ည ၁၀နာရီ ၂၅ မိနစ်တွင်ရစ်ချ်တာစကေး ၅.၂ အဆင့်ရှိ အင်အားအသင့်အတင့်ရှိသည့် ​နောက်ဆက်တွဲ​မြေငလျင်လှုပ်ခတ်ရာ မန္တ​လေးမြို့တွင်သိသိသာသာခံစားခဲ့ရပြီး ပြည်သူများလမ်း​ပေါ်ထွက်​ပြေးခဲ့ကြရသည်။

စစ်ကိုင်းငလျင်ကြီး၏ နောက်ဆက်တွဲငလျင်ငယ်များ ငလျင်ကြီးလှုပ်ပြီး တစ်လခွဲ​ကျော်ကြာသည့်တိုင်မကြာခဏလှုပ်ရှား​နေခြင်းဖြစ်သည်။

Public Service Announcement

ယ​နေ့ည လှုပ်ခတ်​သော​မြေငလျင်မှာ အ​မေရီကန်​မြေငလျင်တိုင်းတာ​ရေးဌာန-USGS ၏ ထုတ်ပြန်ချက်အရမြေအောက်အနက် ၁၀ ကီလိုမီတာ(၆ မိုင်)​ကျော်အကွာကိုဗဟိုပြုလှုပ်ခတ်​သောဇောက်တိမ်ငလျင်ဖြစ်၍ ငလျင်လှုပ်ခတ်သည်ကို အနီးဝန်းကျင်​ဒေသမှပြည်သူများသိသိသာသာ ခံစားခဲ့ကြရသည်။

အင်အားအသင့်အတင့်ရှိငလျင်လှုပ်ခတ်ပြီး​နောက် မန္တ​လေးမြို့မှပြည်သူများမှာစိုးရိမ်၍ လမ်း​ပေါ်ထွက်​ပြေးလာကြပြီး အချိန်အ​တန်ကြာ ငလျင်ထပ်လှုပ်၊မလှုပ်ကို​စောင့်ကြည့်ခဲ့ကြသည်။

မတ်လ၂၈ ရက်တွင်လှုပ်ခတ်ခဲ့​သောစစ်ကိုင်းငလျင်ကြီး​ကြောင့် မန္တ​လေးမြို့တွင် ပြည်သူ​ထောင်ချီ​သေဆုံးခဲ့ပြီး ​နေအိမ်အ​ဆောက်အအုံများစွာပြိုကျပျက်စီးခဲ့သည်။မန္တ​လေးမြို့တွင် ငလျင်ကြီးလှုပ်ပြီး တစ်လခွဲ​ကျော်ကြာသည့်တိုင်ငလျင်​ကြောင့်အပျက်အစီးများကို ပြီးစီး​အောင်မရှင်းလင်းနိုင်​သေး​ပေ။