ငလျင်ကြောင့် ရှေးဟောင်းအဆောက်အဦး ၆,၇၀၀ ကျော် ပျက်စီး

မေ – ၂၂ ၊၂၀၂၅ ၊ ဆိုင်းမင်း/ People’s Spring

ဖျက်အားပြင်းငလျင်ကြီးကြောင့် ဘုရား ၊ စေတီ ၊ သာသနိက အဆောက် အအုံတွေအပါအဝင် ရှေးဟောင်းအဆောက်အဦး စုစုပေါင်း ၆,၇၀၀ ကျော် ထိခိုက်ပျက်စီးသွားတယ်လို့ စစ်ကောင်စီရဲ့ သာသနာရေးနဲ့ ယဉ်ကျေးမှုဝန်ကြီးဌာနက ထုတ်ပြန်ပါတယ်။

ပျက်စီးထိခိုက်မှုတွေ မန္တလေးတိုင်း ၊စစ်ကိုင်းတိုင်း​၊ နေပြည်တော် ၊ ပဲခူးတိုင်း နဲ့ ရှမ်းပြည်နယ်တို့က ဖြစ်တယ်လို့ ဆိုပါတယ်။

ဘုရား ၊ စေတီ ၊ ဘုန်းကြီးကျောင်း ၊သိမ် ၊ ဇရပ် ၊ သာသနိက အဆောက် အဦးတွေ ၊ မြို့ရိုး ၊ ပြအိုးပြာသာဒ် နဲ့ ရှေးဟောင်းအဆောက်အဦး ၆၇၇၉ လုံး ထိခိုက်ပျက်စီးတာလို့ စစ်ကောင်စီရဲ့ စစ်ကောင်စီရဲ့ သာသနာရေးနဲ့ ယဉ်ကျေးမှုဝန်ကြီးဌာနက ဖော်ပြပါတယ်။

Public Service Announcement

ငလျင်ကြောင့် ပျက်စီးသွားတဲ့ ရှေးဟောင်းအဆောက်အဦးတွေကို ပြန်လည်ပြုပြင်ဖို့အတွက် စစ်ကောင်စီရဲ့ သာသနာရေးနဲ့ယဉ်ကျေးမှုဝန်ကြီး က မေလ ၁၉ ရက် နေပြည်တော်မှာ အင်ဂျင်နီယာအသင်း၊ ဗိသုကာအသင်း ၊ ငလျင်အသင်းက သူတွေကို ခေါ်ယူပြီး အစည်းအဝေး လုပ်ခဲ့ပါတယ်။

ပြန်လည်ပြုပြင်တည်ဆောက်ရာမှာ ရှေးဟောင်းအဆောက်အဦး ပေါ်မူတည်ပြီး တစ်နှစ်​၊ နှစ်နှစ် နဲ့ ငါးနှစ် အချိန်ကာလ သတ်မှတ်ထားတယ်ဆိုတာကို စစ်ကောင်စီဝန်ကြီးက ညွှန်ကြားခဲ့တယ်လို့သိရပါတယ်။

ယဉ်ကျေးမှုအမွေအနှစ် တန်းဖိုးမရှိသလောက်နည်းပါးတဲ့ အဆောက်အဦးတွေ​၊ ထိခိုက်မှု နည်းပါးတဲ့ အဆောက်အဦးတွေကိုတစ်နှစ်အတွင်း ပြင်ဆင်ရမှာဖြစ်ပြီး တပိုင်းတစ ပျက်စီးတဲ့ အဆောက်အဦး တွေကို နှစ် နှစ်အတွင်း ပြုပြင်ရမယ်လို့ စစ်ကောင်စီဝန်ကြီးက ပြောခဲ့တယ်လို့သိရပါတယ်။

ယဉ်ကျေးမှုအမွေအနှစ် တန်ဖိုးကြီးမားတဲ့ ရှေးဟောင်း အဆောက်အဦးတွေကို ပညာရှင်တွေရဲ့အကြုံပြုချက်တွေကို ယူပြီး ငါးနှစ်အတွင်း ပြင်ဆင်ဖို့ စစ်ကောင်စီ က စီစဉ်ထားတယ်လို့သိရပါတယ်။

ငလျင်ကြောင့် ထိခိုက်ပျက်စီးမှု ကြီးမားခဲ့တဲ့ မန္တလေး ၊စစ်ကိုင်းတို့မှာ ပြန်လည်ထူထောင်ရေးကို စစ်ကောင်စီက မလုပ်ဆောင်နိုင်သေးဘူးလို့ မြို့ခံတွေကပြောပြပါတယ်။

ငလျင်အပြီးရက်တွေမှာလည်း စစ်ကောင်စီ လက်အောက်ခံ ရဲ နဲ့ စစ်သားတွေဟာ ရှာဖွေကယ်ဆယ်ရေးထက် ဘုရား ၊စေတီတွေ အပျက်အစီးရှင်းလင်းတာကို ဦးစားပေးလုပ်ဆောင်ခဲ့တာ တွေ့ရပါတယ်။