မန္တလေးတိုင်း၊မတ္တရာမြို့နယ်အရှေ့ခြမ်းမှာ တိုက်ပွဲတွေ ဆက်လက်ပြင်းထန် နေပြီး မေလ ၂၆ ရက်ညပိုင်းအထိ တိုက်ပွဲ တွေဖြစ်ပွားနေ တယ်လို့ တော်လှန်ရေးတပ် တွေဆီကသိရပါတယ်။
မတ္တရာမြို့နယ်အရှေ့ခြမ်းက တရုတ်နိုင်ငံရင်းနှီးမြှပ်နှံမှုဖြစ်တဲ့ Alpha ဘိလပ် မြေစက်ရုံ၊မြကန်သာရွာနဲ့ ထန်းပင်ကုန်း ကျေးရွာနဲ့ ကြားရွာအနီးတို့မှာ တိုက်ပွဲတွေ ဖြစ်ပွားနေတာလို့ သိရပါတယ်။
“စစ်တပ်ဘက်ကလုပ်နေတာ။မြေပြင်ထိုးစစ်ဆင်မရရင် လေကြောင်းက နေဗုံးကြဲတယ်”လို့ တော်လှန်ရေးတပ်ဖွဲ့ ဝင်တဦးကပြောပါတယ်။
Public Service Announcement
စစ်တပ်က လေကြောင်းတိုက်ခိုက်မှုကြောင့် ထန်းပင်ကုန်း၊ဘိုကုန်း၊မြောင်းသစ်ကုန်း၊ကျောက်တံတား၊လက်ဝဲကြီး၊အောင်သာယာကုန်း စတဲ့ကျေးရွာတွေက နေအိမ်တွေ အများစု ပျက်စီးခဲ့တယ်လို့ ဒေသ ခံတွေဆီကသိရပါတယ်။
မေလအတွင်းစစ်ကောင်စီကအကြိမ်ပေါင်း ၂၀၀ကျော် လေယာဉ်နဲ့ဗုံးကြဲတိုက်ခိုက်ခဲ့ပြီး တရက်ထဲကို အကြိမ်၃၀ကျော် အထိ တိုက်ခိုက်ခံရတဲ့ ရက်တွေလည်း ရှိတယ်လို့ဒေသခံ တွေကပြောပါတယ်။
မေလ ၁ရက်မှ ၂၅ရက်နေ့အထိ နေ့စဉ် လေကြောင်းတိုက်ခိုက်နေပြီး ကျေးရွာစာသင် ကျောင်း၊ဘုန်းကြီးကျောင်းနဲ့ ဆေးခန်း တွေကို စစ်တပ်က အဓိက ပစ်မှတ်ထားတိုက်ခိုက် နေတာလို့သိရပါတယ်။
မတ္တရာမြို့နယ်အ ရှေ့ခြမ်းကို ၁၀၂၇စစ်ဆင်ရေးမှာ MDY-PDFဦးဆောင်တဲ့တော်လှန်ရေးတပ်တွေ တွေက စစ်တပ်စခန်းပေါင်း ၄၀ ကျော်ကိုသိမ်းခဲ့ပြီးထိန်းချုပ်ထားတာဖြစ်ပါတယ် ။
စစ်တပ်ကမတ္တရာမြို့နယ် အနောက်ခြမ်းကို ၂၀၂၄ နှစ်ကုန်ပိုင်းမှာ စစ်ကြောင်းထိုးထိန်းချုပ်ခဲ့ပြီး ၊ မန္တလေး PDF ထိန်းချုပ်ထားတဲ့အရှေ့ရှမ်းကို ထိုးစစ်ဆင်ပြီး ပြန်လည်ထိန်းချုပ်နိုင်ဖို့ ကြိုးစားနေတာဖြစ်ပါတယ် ။
