ဇွန်၁၄၊၂၀၂၅။ ရှိန်း/People Spring
စစ်ကိုင်းတိုင်း၊ပုလဲမြို့နယ်၊မင်းတိုင်ပင်ရွာကို စစ်တပ်က ဗုံးကြဲတိုက်ခိုက်ခဲ့တာမို့ နေအိမ်၈ အိမ်ခန့် ပျက်စီးခဲ့တယ်လို့ ဒေသခံတွေကပြော ပါတယ်။
ဇွန်လ၁၄ ရက်နေ့ မနက်၁၁နာရီလောက်က မင်းတိုင်ပင်ရွာကို စစ်တပ်က လေကြောင်းက နေဗုံး ကြဲတိုက်ခိုက်ခဲ့တာလို့သိရပါတယ်။
ဗုံးကြဲတိုက်ခိုက်ခံရမှုကြောင့်နေအိမ်၈လုံးခန့်ပျက်စီးခဲ့ပြီး လူထိခိုက်မှု မရှိခဲ့ဘူးလို့ ဒေသခံတဦးက ပြောပါတယ်။
Public Service Announcement
“ဘယ် PDFမှ မရှိဘူး။စစ်တပ်ကပြည်သူတွေရဲ့နေအိမ်တွေကို ရည်ရွယ်ချက်ရှိရှိဖျက်ဆီးနေတာပါ”လို့ဒေသခံတဦးကပြောပါတယ်။
မင်းတိုင်ပင်ရွာကို ဇွန်လ၅ရက်နေ့ နဲ့ ၆ရက် နေ့တွေမှာလည်း လေကြောင်းတိုက်ခိုက်ခဲ့တာမို့ စာသင် ကျောင်းဆောင် ပျက်စီးကာ အမျိုးသားတဦး သေဆုံးခဲ့သေးတယ်လို့ သိရပါတယ်။
ပုလဲ မြို့နယ်ကကန့်ဒေါင့်ရွာရဲစခန်းကို ပြည်သူ့လွတ်မြောက်ရေးတပ်မ တော် (PLA)က ဦးဆောင်တိုက်ခိုက်နေပြီးဒီနေ့ အထိတိုက်ပွဲတွေ ဖြစ်နေဆဲလို့သိရပါတယ်။
မင်းတိုင်ပင်ရွာဟာ ဒီတိုက်ပွဲတွေ နဲ့ဝေး ပေမယ့် စစ်ကောင်စီတပ်က တိုက်ပွဲအတွက် တော်လှန်ရေး တပ် တွေက မင်းတိုင်ပင်ရွာကနေ ဦးစီးနေတယ်ထင်ပြီး အခုလို လေကြောင်းကတိုက်ခိုက်တာနေတာလို့ တော်လှန်ရေး တပ်ဖွဲ့ဝင်တဦး က သုံးသပ် ပြောပါတယ်။
