မတ်-၉၊၂၀၂၆။မိုမို/People’s Spring
စစ်ကိုင်းတိုင်း၊ ပုလဲမြို့နယ်ကို စစ်ကြောင်းထိုးနေတဲ့ စစ်ကောင်စီတပ်ရဲ့ တပ်သားသုံးဦး လက်နက်တွေယူလာပြီး အလင်း၀င်လာတယ်လို့ ယင်းမာပင်ခရိုင်တပ်ရင်း(၂၈)တပ်ရင်းမှူး ဗိုလ်စွမ်းက လူထုနွေဦးကို ပြောပါတယ်။
အဲဒီတပ်သားတွေဟာ ပုလဲမြို့နယ် ချင်ပြစ်ကျေးရွာကနေ တော်လှန်ရေးတပ်ဖွဲ့တွေဆီ မတ်လဆန်းပိုင်းက အလင်းဝင်လာတာလို့ ဆိုပါတယ်။
“၁ ရက်နေ့မှာ နှစ်ယောက်အလင်း၀င်တယ်။၅ ရက်နေ့မှာ တစ်ယောက်”လို့ ဗိုလ်စွမ်းက ပြောပါတယ်။
Public Service Announcement
စစ်ကောင်စီတပ်သားတွေအနေနဲ့ PDFရဲဘော်တွေ ဆီရောက်ခဲ့ရင် သတ်ခံရတယ်ဆိုတဲ့ စစ်တပ်ဝါဒ ဖြန့်တာက မဟုတ်မှန်ဘူးလို့လည်း သူက အသိပေးပါတယ်။
“စစ်တပ်စစ်ကြောင်းက ဆက်တိုက်ရှိနေသေးတယ်”လို့လည်း ပုလဲ မြို့နယ်စစ်ရေးသတင်းရင်းမြစ်က ပြောပါတယ်။
စစ်တပ်စာ ပုလဲမြို့နယ်ထဲက အချက်အချာကြတဲ့ မင်းတိုင်ပင်နဲ့ ချင်ပြစ်ကျေးရွာတွေမှာ အထိုင်ချ တပ်စွဲ ဖို့ကြိုးစားနေတာလို့ သူက ဆိုပါတယ်။
ဖေဖော်ဝါရီ ၁၈ ရက်မှာ ပုလဲမြို့နယ်က BNRA ခေါင်းဆောင် ဗိုလ်နဂါးနဲ့ နောက်လိုက်အချို့ စစ်တပ်ထံ အညံ့ခံခဲ့ပြီးနောက် စစ်တပ်က စစ်ကြောင်းထိုးနေတာ ဖြစ်ပါတယ်။
ဒါ့အပြင် လေကြောင်းတိုက်ခိုက်မှုတွေနဲ့ ကျေးရွာတွေကို မီးရှို့တာတွေကြောင့် အရပ်သားတချို့သေဆုံးခဲ့တာရှိပါတယ်။
