ဇီးကုန်းမြို့နဲ့အနီးဝန်းကျင်ရွာ​တွေကဖမ်းဆီးသွားသူ​တွေကို စစ်​ကောင်စီကပျူသင်တန်း‌​ပေးပြီးစစ်တိုက်ခိုင်းနေ

ဇွန်-၂၅၊၂၀၂၅၊ရှိန်း/People Spring

စစ်ကိုင်းတိုင်း၊ကန့်ဘလူမြို့နယ်၊ဇီးကုန်းမြို့နဲ့ အနီးဝန်းကျင် ကျေးရွာတွေက ဖမ်းဆီးသွားတဲ့သူ တွေကို စစ်​တပ်က ပြန်မလွှတ်တော့ဘဲပျူစောထီးသင်တန်းတက်ခိုင်းပြီးစစ်တိုက်ခိုင်းနေတယ်လို့ တော်လှန်ရေး တပ်တွေဆီကသိရပါတယ်။

ပြီးခဲ့တဲ့ ဇန်နဝါရီလနောက်ဆုံးပတ်နဲ့ဖေဖော်ဝါရီလ တွေမှာ စစ်ကောင်စီတပ်က ဇီးကုန်းမြို့ပေါ် နဲ့ အနီးပတ်ဝန်းကျင်က ကျေးရွာတွေကို အင်အားအလုံးအရင်း သုံးကာ ပေါ်တာဝင်ဆွဲခဲ့တာလို့ ​ဒေသခံအချို့က​ပြောပါတယ် ။ မြို့​ပေါ်မှာဆိုရင် နေအိမ်တွေ၊ဈေးတွေထဲအထိဝင်ပြီး ​ပေါ်တာဆွဲခဲ့တယ်လို့သိရပါတယ် ။

‌ဇီးကုန်မြို့နဲ့ပတ်ဝန်းကျင် ကျေးရွာတွေက​နေ အမျိုးသား ၁၀၀ ဝန်းကျင်အထိ ဖမ်းဆီးခံခဲ့ရပြီး အမျိုးသမီး တချို့ကိုပါ ​စစ်တပ်က ​ပေါ်တာဆွဲသွားခဲ့တယ်လို့သိရပါတယ်။

Public Service Announcement

​ပေါ်တာဆွဲခံရတဲ့ သူကို အမှတ်(၁)သကြားစက်ရုံကနေ တဆင့် ၆၀၀၆တပ်ထဲကို ပို့ဆောင်ခဲ့ပြီး စစ်သင်တန်း ပေးခဲ့တယ်လို့ ဇီးကုန်းတိုက်နယ်ပြည်သူ့ကာကွယ် ရေးအဖွဲ့တာဝန်ခံက​ပြောပါတယ်။

“ပြီးခဲ့တဲ့လက ထိုးလာတဲ့စစ် ကြောင်းလေ။သင်တောကို ထိုးခဲ့တဲ့ စစ်ကြောင်းမှာလည်း ဒီလူတွေကို ထည့်သုံးတယ်လို့သိရတယ်။အခုလည်း ၂၄

ရက်(ဇွန်) နေ့ကသင်တန်းထပ်ဆင်းတယ်။အများစုက ပေါ်တာဆွဲခံရတဲ့လူတွေလို့ တော့ ကျွန် တော်တို့သတင်းရထားတယ်”လို့ တော်လှန်ရေးတပ်ဖွဲ့ဝင်တဦး ကပြောပါတယ်။

ကန့်ဘလူမြို့နယ်၊ချပ်သင်းမြို့နယ်တို့ကနေ စစ်ကောင်စီက ပျူစောထီးအင်အားတွေသုံးကာ ကန့်ဘလူနဲ့ ကောလင်းမြို့ကြားက ​တော်လှန်​ရေးတပ်​တွေ စိုးမိုးထားတဲ့နယ်မြေတွေကို ပြန်လည်ရယူဖို့ ကြိုးစားတာတွေလည်းရှိပြီး ကန့်ဘလူမြို့နယ်အတွင်းမှာလည်း မကြာခဏတိုက်ပွဲ တွေ ဖြစ်နေတယ်လို့သိရပါတယ်။