ဇူလိုင်-၈၊၂၀၂၅။ဇော်ရမ်း၊ရှိန်း/People’s Spring
TNLA က ထိန်းချုပ်ထားသည့် မိုးကုတ်မြို့နှင့်ကျောက်မဲမြို့ကို စစ်ကောင်စီက ယနေ့နံနက်ပိုင်း၌ တိုက်လေယာဥ်နဲ့ ဗုံးကြဲရာ အရပ်သားအနည်းဆုံး ၄ သေဆုံးပြီးခဲ့ကြောင်းဒေသခံများကပြောသည်။
ဇူလိုင် ၈ ရက်နေ့ နံနက် ၉နာရီ ၃၅မိနစ်ခန့်ကမိုးကုတ်မြို့အနောက်ပိုင်း၊ ဂေါင်းဦးဘာရပ်ရှိ စာသင်ကျောင်းအနီးကို ကိုယ်ပိုင်အထက်ပိုင်းကျောင်းအနီးကို စစ်ကောင်စီကပေါင် ၅၀၀ဗုံးဖြင့် ကြဲချတိုက်ခိုက်ခဲ့၍ အမျိုးသမီးအပါအဝင် ပြည်သူ အနည်းဆုံး ၃ ဦးသေဆုံးခဲ့ပြီး ဒဏ်ရာရသူများလည်းရှိကြောင်းဒေသခံများကပြောသည်။
မိုးကုတ်မြို့တွင် ဗုံးကြဲခံရပြီးနောက်မြင်ကွင်း။ ဓါတ်ပုံ-မိုးကုတ် GP ၊ဒေသခံ မိုးကုတ်မြို့တွင် ဗုံးကြဲခံရပြီးနောက်မြင်ကွင်း။ ဓါတ်ပုံ-မိုးကုတ် GP ၊ဒေသခံ မိုးကုတ်မြို့တွင် ဗုံးကြဲခံရပြီးနောက်မြင်ကွင်း။ ဓါတ်ပုံ-မိုးကုတ် GP ၊ဒေသခံ မိုးကုတ်မြို့တွင် ဗုံးကြဲခံရပြီးနောက်မြင်ကွင်း။ ဓါတ်ပုံ-မိုးကုတ် GP ၊ဒေသခံ
” ကျောင်းကိုတည်ပစ်တာထင်တယ်။ ကျောင်းကဖွင့်ထားပါ။ ကလေးတွေ အော်ဟစ်ငိုယိုနေတာ သနားဖို့ကောင်းတယ်။ သေဆုံးတဲ့အထဲ ကလေးမပါဘူးလို့တော့ကြားတယ်”ဟု မိုးကုတ်မြို့ခံတစ်ဦးကပြောသည်။
Public Service Announcement
လူသေဆုံးမှုနှင့်ပတ်သက်၍ ၎င်းက ” လောလောဆယ် သုံးဦးအတည်ပြုနိုင်ပါတယ်။ဒဏ်ရာရတာတွေလည်းများတယ်။ ကျောင်းလည်းပျက်စီးတယ်အိမ်တွေလည်းပျက်စီးတယ်။ မှန်စ တွေကွဲပြီး အထိအခိုက်များတယ် “ဟု ပြောသည်။
ထိခိုက်ဒဏ်ရာရသူများလည်းရှိပြီးအရေအတွက်ကို လတ်တလောအသေးစိတ်အတည်ပြုနိုင်ခြင်းမရှိသေးပေ။
အခြားဒေသခံတဦးကလည်း “သုံးယောက် သေတယ်လို့ တော့သိရတယ်။နာရေး ကား တွေနဲ့လာခေါ်သွားလို့ ဘယ်သူ တွေမှန်းတော့ မသိရသေးဘူး”ဟုပြောသည်။
မိုးကုတ်မြို့တွင် ယနေ့ မနက်ပိုင်းကမိုးရွာနေပြီး ရာသီဥတုပိတ်မှောင်ကျ နေချိန်တွင် စစ်ကောင်စီတိုက်လေယာဥ်က ပေါင်၅၀၀ ဗုံးနဲ့ ဗုံးကြဲသွားခြင်းဖြစ်သည်ဟုဒေသခံများကပြောသည်။
မိုးကုတ်ကိုလေ ကြောင်းမှဗုံးမကြဲမီ နံနက် ၉နာရီခန့်တွင် ကျောက်မဲမြို့ကိုလည်း စစ်ကောင်စီကလေကြောင်းမှဗုံးကြဲခဲ့ရာ အရပ်သားတဦးသေဆုံးပြီး သုံးဦးဒဏ်ရာရခဲ့သည်ဟု မြို့ခံတစ်ဦးကပြောသည်။
မိုးကုတ်နှင့် ကျောက်မဲမြို့အားဗုံးကြဲတိုက်ခိုက်မှုကြောင့် ထိခိုက်မှုများကို မကြာမီသတင်းထုတ်ပြန်မည်ဟု TNLAက အသိပေးထားသည်။
စစ်ကောင်စီသည် ကျောက်မဲမြို့ကို ဇွန်လ ၂၄ရက်၊ ၂၇ရက်နှင့် ၂၉ရက်၊ ယဇူလိုင်လ ၆ရက်ကလည်း ဗုံးကြဲတိုက်ခိုက်ရာ အရပ်သားငါးဦးသေဆုံးပြီး ၂၀ဦးထက်မနည်း ဒဏ်ရာရရှိခဲ့သည်။
ရှမ်းပြည်နယ်မြောက်ပိုင်းမှ နောင်ချိုမြို့အပါအဝင် တအာင်းတပ်မတော်(TNLA)ထိန်းချုပ်မြို့နယ်များကို စစ်ကောင်စီကလေကြောင်းမှ မကြာခဏတိုက်ခိုက်နေသည်။ ဇူလိုင်လ ၄ရက်ညကလည်း သီပေါမြို့ကိုစစ်ကောင်စီကလေကြောင်းမှ ဗုံးကြဲခဲ့သည်။
ထိုကဲ့သို့ လေကြောင်းတိုက်ခိုက်မှုများကြောင့်တစ်ဖက်သတ်အပစ်ရပ်စဲထားမှုကိုရုတ်သိမ်းလိုက်ပြီဟု TNLAက ယမန်နေ့ ဇူလိုင်လ ၅ရက်က ပြုလုပ်သည့်သတင်းစာရှင်းလင်းပွဲတွင် အသိပေးသည်။
စစ်ကောင်စီတပ်၏ တိုက်ခိုက်မှုများရှောင်ရှားနိုင်ရန် စစ်ရေးသတိအမြဲရှိရန်နှင့် လေကြောင်းရန်ကာကွယ်ရေးဆိုင်ရာနည်းလမ်းများ လိုက်နာဆောင်ရွက်ရန် TNLAက သတိပေးထားသည်။
