ဇူလိုင်-၂၁၊၂၀၂၅။ရဲခေါင်/People’s Spring
မကွေးတိုင်း၊ဆိပ်ဖြူမြို့နယ်၊လက်ဆည်ရဲစခန်းကိုတော်လှန်ရေးတပ်ဖွဲ့များကတိုက်ခိုက်ခဲ့သည်။
အင်အား ၂၀ ကျော်ရှိသော လက်ဆည်ရဲစခန်းကို ဇူလိုင်လ ၁၇ ရက် နံနက်အစောပိုင်းက တော်လှန် ရေးအင်အားစုများက တိုက်ခိုက်ခဲ့ရာ နှစ်ဖက်အကျအဆုံးရှိခဲ့ကြောင်း အညာမြေတပ်ပေါင်းစုက ဇူလိုင် ၂၁ ရက်တွင်ထုတ်ပြန်သည်။
ရဲတန်းလျားလေးခု နှင့် ဘန်ကာ လေးခု အထိ သိမ်းပိုက်နိုင်ခဲ့သော်လည်း ပင်မ အဆောက်အဦးတစ်ဆောင် နှင့် ဘန်ကာ နှစ်ခု သိမ်းရန်ကျန်ရှိချိန်တွင် လက်နက်ခဲယမ်းလျော့နည်းကာ အချိန်မီမဖြည့်တင်းနိုင်ခဲ့ကြောင်း အသိပေးသည်။ထိုအချိန်တွင် စစ်ကောင်စီ၏စစ်ကူအင်အား အလျင်အမြန် ရောက်ရှိလာခြင်းကြောင့် စခန်းကို သိမ်းနိုင်ခဲ့ခြင်းမရှိခဲ့ဟု ဖော်ပြသည်။
Public Service Announcement
“လက်ဆည်စခန်းမှာအင်အား၂၅ ဦးရှိတယ်မတိုက်ခင်က။အခုကအင်အားထပ်တိုးထားတယ်”ဟု အညာမြေတပ်ပေါင်းစုတာဝန်ရှိသူက ပြောသည်။
ဆိပ်ဖြူမြို့နယ် နှင့် ပေါက် မြို့နယ်ကိုချိတ်ဆက်ထားသည့်လမ်းပိုင်း အလယ်ဝန်းကျင်တွင် ရှိသည့် လက်ဆည်ရဲစခန်းတိုက်ပွဲတွင် စစ်ကောင်စီတပ်မှ မျက်မြင်သုံးဦး သေဆုံးပြီး တော်လှန်ရေးရဲဘော် နှစ်ဦးကျဆုံးကာ Type-81 သေနတ်နှစ်လက် ဆုံးရှုံးခဲ့သည်။
ကျဆုံးရဲဘော်နှစ်ဦးသည် အမှတ် (၈) စစ်ကြောင်းမှ အသက် ၃၆ နှစ်အရွယ် ရဲဘော်နဂါး နှင့် အသက် ၁၉ နှစ်အရွယ် ရဲဘော်စိုင်းနောင် (ခ) ထွန်းခ တို့ ဖြစ်သည်။
တိုက်ပွဲတွင် အမှတ် (၈) စစ်ကြောင်း ဦးဆောင်မှုဖြင့် ပခုက္ကူခရိုင်တပ်ရင်း-၁၉ ၊ တပ်ခွဲ-၃ (ဆိပ်ဖြူ ဗိုလ်မထားတပ်ဖွဲ့) ၊ ပြည်သူ့လွတ်မြောက်ရေးတပ်ပေါင်းစု(PLC) နှင့် ပြည်သူ့တော်လှန်ရေးတပ်ဦး (PRF) God of myaing၊ PL pdf၊ ကိုရေခဲနှင့်ကိုဗလဦး ဆောင်သော လူငယ်ပြောက်ကြားတပ်ဖွဲ့ စသည့် အညာမြေတပ်ပေါင်းစုဖြစ်သောတော်လှန်ရေးအဖွဲ့များပူးပေါင်းတိုက်ခိုက်ခဲ့ခြင်းဖြစ်သည်။
