မန္တလေးမြောက်ဘက်မှာတိုက်ပွဲ​တွေဆက်ဖြစ်၊ မြို့ထဲမှအသံ​တွေကြား​နေရ

ဇူလိုင်-၂၃၊၂၀၂၅။ရှိန်း/People’s Spring

မန္တလေးမြို့ရဲ့မြောက်ဘက်ကပုသိမ်ကြီးမြို့နယ်အထိတိုက်ပွဲတွေဖြစ်နေပြီးမန္တလေးကျုံးရဲ့ မြောက်ဘက်ခြမ်းအထိ တိုက်ပွဲသံ တွေကြားနေရတယ်လို့ မြို့ခံတွေက ပြောပါတယ်။

ဇူလိုင်လ၂၃ ရက်နေ့လည်ပိုင်းမှာ လက်နက်ကြီးသံ တွေ ပိုပြီးကြားနေရတယ်လို့ ဒေသခံ တွေက ပြောပါတယ်။

“မိုးအေးအေးနဲ့ ဆော်နေကြတယ်ထင်တယ်။တအုန်းအုန်းပဲ”လို့ မန္တလေးမြို့ခံတဦးက လူမှုကွန်ယက်မှာ ပြောဆိုထားပါတယ်။

Public Service Announcement

ပုသိမ်ကြီး မြို့နယ်က ဒေသခံတချို့ကတော့ တော်လှန်​ရေးတပ် တွေသိမ်းလိုက်တဲ့ မြကန်သာ ကျေးရွာနဲ့ သရက်ကိုင်း ကျေးရွာတို့ကို စစ်တပ်က လက်နက်ကြီး၊ဟောင်ဝစ်ဆာနဲ့ လေကြောင်းတိုက်ခိုက်မှု တွေလုပ် နေတာလို့ဆိုပါတယ်။

“ထီးတော်မိုးတပ်ကနေလည်းပစ်တယ်ဗျ။လေကြောင်းလည်းလာတိုက်သွားသေးတယ်။ ဘယ်နေရာရယ်မဟုတ်ဘဲ PDFရှိနိုင်မယ်ထင်တဲ့နေရာ တွေကို ဆက်တိုက်ပစ်နေတယ်”လို့ ပုသိမ်ကြီး မြို့နယ်က ဒေသခံတဦး ကပြောပါတယ်။

မတ္တရာမြို့နယ်ကတော်လှန်ရေးတပ်ဖွဲ့တခုရဲ့ တာဝန်ရှိသူက တော့ မတ္တရာမြို့နယ်အ ရှေ့ခြမ်းမှာ တိုက်ပွဲတွေဆက်တိုက်ဖြစ် နေတယ်လို့သာပြောပြီး ဇူလိုင် ၂၃ ရက်​​နေ့ အခြေအနေနဲ့ပတ်သက်လို့ မှတ်ချက် မပေးပါဘူး။

ဇူလိုင်လ၂၀ ရက်နေ့က မန္တလေးတိုင်း၊မတ္တရာမြို့နယ် ထန်းပင်ကုန်းရွာ နဲ့ ပုသိမ်ကြီးမြို့နယ်က သရက်ကိုင်းနဲ့ မြကန်သာ ကျေးရွာမှာရှိတဲ့ စစ်ကောင်စီစခန်း​တွေအားလုံးကို သိမ်းပိုက်နိုင်ခဲ့ပြီး ဗိုလ်ကြီး၁ဦးအပါအဝင် စစ်သုံ့ပန်း၁၆ဦး ကိုအရှင်ဖမ်းမိခဲ့တယ်လို့ ပြည်သူ့ကာကွယ် ရေးတပ်မ တော် -မန္တလး(MDY-PDF)က ထုတ်ပြန်ထားပါတယ်။လက်နက်ခဲယမ်းအများအပြားဖမ်းဆီးရရှိခဲ့ပြီး တရုတ်နိုင်ငံထုတ် လက်နက်ခဲယမ်း​သေတ္တာ အများအပြားကိုပါ ​​တော်လှန်​ရေးတပ်​တွေကသိမ်းဆည်းနိုင်ခဲ့တာပါ ။

မန္တ​လေး PDF နဲ့အတူ မတ္တရာမျိုးမှန်တပ်ဖွဲ့ ၊ မတ္တရာမြို့နယ် ပကဖ နဲ့ SSTF တပ်ဖွဲ့​တွေက ပူး​ပေါင်းတိုက်ခိုက်ခဲ့ကြတာဖြစ်တယ်လို့ ထုတ်ပြန်ထားပါတယ် ။​တော်လှန်​ရေးတပ်ဖွဲ့​တွေ သိမ်းပိုက်ခဲ့တဲ့ ရွာ​တွေဟာ မန္တ​လေးမြို့လယ် က အလယ်ပိုင်းတိုင်းစစ်ဌာနချုပ်နဲ့ ၁၅ မိုင် ဝန်းကျင်ပဲ ကွာ​ဝေးတာဖြစ်ပါတယ် ။ အသိမ်းခံရတဲ့စခန်း​တွေဟာ မတ္တရာကိုထိုးစစ်ဆင်​နေတဲ့ စစ်တပ်​ရဲ့နောက်တန်းအထိုင် စခန်း​တွေဖြစ်ပြီး တိုက်ပွဲ​တွေဆက်လက်ဖြစ်​နေတာဖြစ်ပါတယ် ။