ဇူလိုင် – ၂၄ ၊၂၀၂၅။ရဲခေါင်/People’s Spring
မွန်ပြည်နယ်ရှိ ကျိုက်ထို၊သထုံ၊သံဖြူဇရပ်နှင့်ပေါင်မြို့နယ်တို့တွင် လေဆင်နှာမောင်း နှင့် လေပြင်းတိုက် ခတ်၍ နေအိမ်အလုံး ၁၀၀ ကျော်ပျက် စီးခဲ့ကြောင်း ဒေသခံများက ပြောသည်။
ယနေ့(ဇူလိုင် ၂၄ ရက်) နံနက် ၇ နာရီ မှစ၍ ၈ နာရီ အတွင်းလေဆင်နှာမောင်း နှင့် လေပြင်းတိုက်ခတ်မှုကြောင့် လူအချို့ထိခိုက်မှုရှိကြောင်း ၎င်းတို့ကပြောသည်။
“သစ်ပင်ကြီးတွေဆို အပေါ်ပိုင်းအကုန်ပြတ်ထွက်တယ်။သစ်ပင်လတ်တွေဆို အမြစ်ပါကျွတ်ထွက် သွားတာ။အိမ်တွေဆိုရင်တော့ပြောမနေနဲ့ ခေါင်မိုးတွေအကုန်လန်တယ်။အိမ်ဟောင်းတွေဆိုပြိုတယ်”ဟု ပေါင်မြို့ခံတစ်ဦးက People’s Spring သို့ ပြောသည်။
Public Service Announcement
ပေါင်မြို့နယ်၊ပေါင်းရပ်ကွက် နှင့် မိုးနိုင်းရပ်ကွက်၊သထုံ မြို့နယ်နောင်ကုလားအလယ်ရွာ၊ကျိုက်ထိုမြို့နယ် မလော့ချောင်ကျေးရွာ အလယ်ပိုင်းနှင့်ကျွဲတဲအုပ်စု၊သံဖြူဇရပ်မြို့နယ်ဝယ်ကဝါးကျေးရွာအုပ်စု၊နှင့်အောင်ကုသိုလ်ရပ်ကွက်တို့တွင် လေဆင်နှာမောင်းနှင့် လေပြင်းတိုက်ခတ်မှုကိုကြုံခဲ့ရခြင်းဖြစ်သည်။
တောင်စောင်း နှင့် အဝေးပြေးလမ်းတလျှောက် အောက်ဘက်လူနေရပ်ကွက်များ၊နေအိမ်များ သစ်ပင်များ၊ လျှပ်စစ်တိုင်များ၊ဆက်သွယ်ရေးတိုင်များလဲပြိုခဲ့ကြောင်း ဒေသတွင်းလူမှုကူညီရေးအဖွဲ့များကလည်း သတင်းထုတ်ပြန်သည်။
“ကမ်းရိုးတန်းဒေသတွေ ဒီလိုဖြစ်လာမယ်ဆိုတာ ခဏခဏသတိပေးနေတယ်။မိုင် ၄၀ လောက်နဲ့ တိုက်မယ်ဆိုတာ ဒီလ ၁၈ ရက်ကတည်းက သတိ ပေးထားတယ်”ဟု ပြည်တွင်း မိုးလေဝသ အခြေ အနေကို လေ့လာစောင့်ကြည်သူ ဥာဏ်ရက်ချမ်းက ပြောသည်။
မွန်ပြည်နယ်တွင် လေဆင်နှာမောင်း နှင့် လေပြင်းတိုက်ခတ်မှုကြောင့်အပျက်အစီးများကိုတွေ့ရစဥ်။ ဓါတ်ပုံ-CJ မွန်ပြည်နယ်တွင် လေဆင်နှာမောင်း နှင့် လေပြင်းတိုက်ခတ်မှုကြောင့်အပျက်အစီးများကိုတွေ့ရစဥ်။ ဓါတ်ပုံ-CJ မွန်ပြည်နယ်တွင် လေဆင်နှာမောင်း နှင့် လေပြင်းတိုက်ခတ်မှုကြောင့်အပျက်အစီးများကိုတွေ့ရစဥ်။ ဓါတ်ပုံ-CJ မွန်ပြည်နယ်တွင် လေဆင်နှာမောင်း နှင့် လေပြင်းတိုက်ခတ်မှုကြောင့်အပျက်အစီးများကိုတွေ့ရစဥ်။ ဓါတ်ပုံ-CJ မွန်ပြည်နယ်တွင် လေဆင်နှာမောင်း နှင့် လေပြင်းတိုက်ခတ်မှုကြောင့်အပျက်အစီးများကိုတွေ့ရစဥ်။ ဓါတ်ပုံ-CJ မွန်ပြည်နယ်တွင် လေဆင်နှာမောင်း နှင့် လေပြင်းတိုက်ခတ်မှုကြောင့်အပျက်အစီးများကိုတွေ့ရစဥ်။ ဓါတ်ပုံ-CJ မွန်ပြည်နယ်တွင် လေဆင်နှာမောင်း နှင့် လေပြင်းတိုက်ခတ်မှုကြောင့်အပျက်အစီးများကိုတွေ့ရစဥ်။ ဓါတ်ပုံ-CJ
ထိုအပြင်ဇူလိုင် ၂၄ ရက်နံနက်အစောပိုင်းကလည်း ရန်ကုန်မြို့၊ဗိုလ်တထောင်မြို့နယ်စည်ပင်ဝင်း၌ ယနေ့ နံနက် ၇ နာရီခန့်တွင် လေဆင်နှာမောင်းတိုက်၍ ကွန်တိန်နာယာဥ်များ တိမ်မှောက်ပျက်စီးမှုများဖြစ်ခဲ့သည်။
သန်လျင်၊ဒဂုံဆိပ်ကမ်း၊သာကေတ၊မဂ်လာဒုံနှင့်ရန်ကင်းမြို့နယ်တို့တွင်လည်း ယနေ့ နံနက်ပိုင်းမှာပင် လေပြင်းတိုက်ခတ်မှုကြောင့် သစ်ပင်ကြီးအချို့လဲကျ မှုဖြစ်ပွားခဲ့ကြောင်း မီးသတ်ဦးစီးဌာနက ထုတ်ပြန်ခဲ့သည်။
တောင်တရုတ်ပင်လယ်မှအပူပိုင်းမုန်တိုင်းအရှိန်နှင့် ဘင်္ဂလားပင်လယ်အော်မှလေဖိအားနည်းရပ်ဝန်းကြောင့် ရန်ကုန်အပါအဝင် မြန်မာနိုင်ငံအများစုတွင် ယခုရက်ပိုင်းမိုးကြီးနိုင်သည့်အပြင် လေပြင်းတိုက် ခတ်ခြင်း၊ လျှပ်စီးလက်ခြင်း၊ မိုးကြိုးပစ်ခြင်း၊ လျှပ်တစ်ပြက်ရေကြီးခြင်းနှင့်မြေပြိုခြင်းစသည့်သဘာဝဘေးအန္တရာယ်များသတိပြုရန် အမျိုးသားညီ ညွတ်ရေးအစိုးရ၊လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)ကသတိပေးထားသည်။
