ဇူလိုင်-၂၅၊၂၀၂၅၊မေ/People Spring
စစ်ကိုင်းတိုင်းဘက်ကို ကူးသန်းမယ့် ကုန်ကားတွေအကုန်လုံး မန္တလေးမြို့က စွယ်တော်ကားကြီးကွင်းမှာ စစ်ဆေးခံပြီးခွင့်ပြုလက်မှတ်ရမှ သွားရမယ်ဆိုတဲ့အမိန့်ကြောင့် စွယ်တော်ကားကွင်းမှာ ကားအစီး ရေ ထောင်နဲ့ချီကာ ပိတ်မိနေတယ်လို့ ကုန်ကားသမားတွေက ပြောပါတယ်။
ရွှေကြက်ယက်(ဇက်ဆိပ်)၊ရတနာပုံတံတား(စစ်ကိုင်းတံတား)ကနေ ဖြတ်သန်းသွားလာမယ့် ၁၅တန်နှင့်အောက်၊၁၅တန်နှင့်အထက် ကုန်တင်ယာဉ်တွေကို ဇူလိုင် ၂၁ ရက်ကစတင်က စစ်ဆေးရေးလုပ်ငန်းအဖွဲ့က ပြည်ကြီးမင်္ဂလာ(စွယ်တော်ကားကြီးကွင်း)မှာ စိစစ်ခွင့်ပြုသွားမယ်လို့ ထုတ်ပြန်ထားပါတယ်။
ဒီခွင့်ပြုမိန့်မပါတဲ့ မည်သည့်မော်တော်ယာဉ်ကိုမှ ဖြတ်သန်းခွင့် မပေးဘူးလို့လည်း ထုတ်ပြန်ချက်မှာ ဖော်ပြထားပါတယ်။
Public Service Announcement
“၂၁ရက် နေ့ကတည်းက တန်းနေရတာ။ဒီနေ့အထိ ကားကွင်းထဲမှာ အစီးရေထောင်နဲ့ချီပိတ်မိနေတာ။ပုတ်သိုးကုန်တွေနဲ့ ဘယ်လိုမှ အဆင်မပြေဘူးဗျ။တကယ်ဆိုရင် တစ်စီးပြီးတစ်စီး ခွင့်ပြုပစ္စည်းမပါရင် လွှတ်အဲ့လိုဖြစ်ရမှာ။အခုထိ ကျွန်တော်တို့ကား တွေကို မစစ်သေးဘူး။ဘယ်လိုစနစ်နဲ့လုပ်နေလဲမသိဘူး”လို့ ကားသမားတစ်ဦးက ပြောပါတယ်။
စစ်ကောင်စီနဲ့နီးစပ်သူတွေရဲ့ကားတွေ ၊စစ်တပ်ကအရာရှိတွေ ပိုင်ဆိုင်တဲ့ကုန်တင်ပို့နေတဲ့ကားတွေကိုကြားပေါက်စနစ်နဲ့ စစ်ဆေးတာတွေရှိနေပြီး ၂၁ရက်နေ့ကနေ ဒီနေ့အထိ အစစ်ဆေးမခံရလို့ ခွင့်ပြုချက်မရသေးတဲ့ ကားအများအပြားရှိတယ်လို့လည်း သိရပါတယ်။
ပိတ်ထားတဲ့ကားတွေဟာ စစ်ကိုင်းမြိုနဲ့ မုံရွာမြို့တို့ကိုသွားမယ့်ကားတွေ အထိပါဝင်တယ်လို့လည်းသိရပါတယ်။
