ဇူလိုင်-၂၉၊၂၀၂၅။မေ/People’s Spring
စစ်ကိုင်းတိုင်း၊ဝက်လက်မြို့နယ်အရှေ့ခြမ်းငါးရယ်ရွာကို စစ်ကောင်စီတပ်ကဇူလိုင်၂၈ ရက်မနက်အစောပိုင်းမှာဝင်ရောက်ပစ်ခတ်ခဲ့တာကြောင့် ပြည်သူတချို့သေဆုံးခဲ့ပြီး ဒဏ်ရာနဲ့ ဓါးစာခံဖမ်းဆီးခံထားရသူ တွေလည်းရှိတယ်လို့ ဒေသခံ အချို့ကပြောပါတယ်။
ဇူလိုင်လ၂၈ ရက်နေ့ ၊မနေ့မနက်အစောပိုင်းက ရှိမ်းမကားရဲစခန်းမှာတပ်စွဲထားတဲ့ စစ်တပ်ကကျေးရွာရဲ့ တောင်ဘက်မှာရှိတဲ့ ငါးရယ်ရွာကို မနက်၅နာရီလောက်မှာ ဝင် ရောက်ပစ်ခတ်ခဲ့တာလို့ သိရပါတယ်။
“အနည်းဆုံး ၅ယောက်လောက်အပစ်ခံရတယ်။၃ ယောက်လောက်တော့သေမယ်ထင်တယ်။ဖုန်းလိုင်းတွေလည်းမရ တော့ အခုထိ အခြေအနေကို အသေးစိတ်မသိရဘူး။ဒီနေ့အထိပိတ်မိနေတဲ့ပြည်သူတချို့လည်းကျန်သေးတယ်”လို့ဒေသခံတဦးက ပြောပါတယ်။
Public Service Announcement
သေနတ်ဒဏ်ရာနဲ့ဖမ်းဆီးခံလိုက်ရတဲ့ပြည်သူတွေလည်းရှိပြီး အခြေအနေကိုသေချာမသိရသေးဘူးလို့ တော်လှန်ရေးတပ်ဖွဲ့ဝင်တဦးကလည်းပြောပါတယ်။ပြီးခဲ့တဲ့ရက်ပိုင်းက တပ်မ (၃၃) ကနေ မတ္တရာမြိုနယ်၊စဉ့်ကိုင်ရွာဘက်ကို စစ်ကြောင်းထိုးတပ်စွဲထားသလို ရှိမ်းမကားက နေ တောင်ဘက် ငါးရယ်ရွာနဲ့တိုက်ရွာဘက်ကို စစ်တပ်က တပ်စွဲထားပါတယ်။
ဒီကျေးရွာတွေ ဟာ စစ်ကိုင်း- ကျောက် မြောင်း ခရိုင်ချင်းဆက် အမှတ်(၃)လမ်းမ ဘေးမှာရှိတာမို့ လမ်းကိုလည်း ယာယီပိတ်ထားတယ်လို့ သိရပါတယ်။မန္တလေး- ရွှေဘို၊မန္တလေး -မိုးကုတ်ကို စစ်ကိုင်းတိုင်းဘက်ကသွားတဲ့လမ်း ဖြစ်ပြီး စစ်ကြောင်း တွေဟာ ဒီလမ်းပိုင်း တွေကိုဗဟိုချတပ်စွဲထားတာမို့ လမ်းကြောနှစ်ခုစလုံးပိတ်ထားရတယ်လို့လည်း သိရပါတယ်။
ဒါ့အပြင် စစ်တပ်တပ်စွဲထားတဲ့စဉ့်ကိုင်ရွာနဲ့ငါးရွယ်ရွာဟာကြားထဲမှာကျေးရွာ ၃ ရွာသာခြားပါတယ်။ မတ္တရာမြို့နယ်ရဲ့အနောက်ဘက်ဧရာဝတီမြစ်ဘေးမှာရှိပြီး ရေလမ်းကြောင်းအရအရေးပါတဲ့နေရာ တွေလည်းဖြစ်ပါတယ်။
စစ်ကောင်စီက မတ္တရာမြို့နယ်အနောက်ခြမ်းကိုလည်းနယ် မြေစိုးမိုးမှု ရယူထားပြီး စစ်ကိုင်း၊မတ္တရာ၊ဝက်လက်မြို့နယ်အစပ်က ကျေးရွာတွေကို ပါအထိုင်ချတပ်စွဲလိုက်တာပါ။ဒီနေရာတွေကို စစ်တပ်ကထိန်းချုပ်စိုးမိုးနိုင်ရင် ဧရာဝတီမြစ်လမ်း ကြောင်းနဲ့ မန္တလေး- မိုးကုတ်ကားလမ်း လုံခြုံရေးပါစိုးရိမ်ရတဲ့ အခြေအနေဖြစ်တယ်လို့ဒေသခံအချို့ကပြောပါတယ်။
စစ်ကောင်စီတပ်ကတော့ ဒီနေရာကိုစစ် ဗျူဟာတခုအထိုင်ချမယ်လို့ဆိုထားပါတယ်။ရွေးကောက်ပွဲလုပ်မယ်လို့ ကြေညာထားတဲ့ စစ်ကောင်စီဟာ စစ်ကြောင်းထိုးတိုက်ခိုက်မှုတွေကို ဒေသအများအပြားမှာပြုလုပ်လာတာဖြစ်ပါတယ် ။
