သြဂုတ်-၄၊၂၀၂၅။ဇော်ရမ်း/People’s Spring
အာရက္ခတပ်တော်(AA)ထိန်းချုပ်ထားသည့် မအီမြို့ကို စစ်ကောင်စီကယနေ့ နေ့လယ်ပိုင်းတွင် လေကြောင်းမှ ဗုံးကြဲ တိုက်ခိုက်ခဲ့ပြီးသံတွဲမြို့ကို လက်နက်ကြီးဖြင့်ထပ်မံပစ်ခတ်ခဲ့သည်။
မအီမြို့ရဲစခန်းနေရာနှင့် ပတ်ဝန်းကျင်ကို သြဂုတ် ၄ ရက်နေ့လယ် ၁နာရီ ၁၉မိနစ်နှင့် ၁နာရီ၂၃မိနစ်တွင် ဂျက်ဖိုက်တာဖြင့် ဗုံးကြဲခြင်းဖြစ်ပြီး အရပ်သားသေဆုံးမှုရှိကြောင်းဒေသခံတစ်ဦးကပြောသည်။
“သေဆုံးတာကျတော်တို့အသိထဲကတဦးတော့ သေချာတယ်။ဗုံးစထိတာ” ဟုတောင်ကုတ်မြို့ခံတစ်ဦးကပြောသည်။ထိခိုက်မှုအသေးစိတ်ကိုမသိရသေးပေ။
Public Service Announcement
စစ် ကောင်စီသည်ဩဂုတ်လ ၂ရက်နေ့တွင် လက်နက်ကြီးဖြင့် ပစ်ခတ်ခဲ့သည့် သံတွဲမြို့ကိုလည်း ယနေ့ထပ်မံ၍လက်နက်ကြီးဖြင့် ထပ်မံပစ်ခတ်ခဲ့သည်ဟု သတင်းရရှိသည်။
“သံတွဲမြို့ကကျောက်ကြီးရွာကို ပစ်တာ” ဟုသံတွဲမြို့မှ စစ်ဘေးရှောင်တစ်ဦးက ပြောသည်။
သိူ့သော်ဖုန်းလိုင်းများမရရ၍ ထိခိုက်မှုကို မေးမြန်းမရသေးပေ။
ဇွန်လ ၇ရက် ညပိုင်းက ကျောက်ကြီးရွာစာသင်ကျောင်း၊ ပုဇွန်ဖြေရွာစာသင်ကျောင်းနှင့် စစ်သားစုဆောင်းရေးတပ်ကို စစ်ကောင်စီကဂျက်ဖိုက်တာဖြင့်ဗုံးကြဲခဲ့ရာစစ်ဘေးရှောင်လေးဦး သေဆုံးပြီး ဆယ်ဦးဒဏ်ရာရခဲ့သည်။
စစ်ကောင်စီ၏ တိုက်ခိုက်မှုများနှင့် ပတ်သက်၍ AAက သတင်းမထုတ်ပြန်သေးပေ။
