ဂျပန်နှင့် စင်ကာပူနိုင်ငံတို့တွင် ကမ္ဘာလုံးဆိုင်ရာ ရှစ်လေးလုံး ထီးသပိတ်လှုပ်ရှားမှုပြုလုပ်

သြဂုတ်-၈၊၂၀၂၅။ သုည/People’s Spring

ယနေ့ (သြဂုတ် ၈) ကျရောက်သည့် ရှစ်လေးလုံးလူထုအရေးတော်ပုံကြီး (၃၇) နှစ်မြောက် နှစ်ပတ်လည် အထိမ်းအမှတ်အနေဖြင့် ဂျပန်နှင့် စင်ကာပူနိုင်ငံတို့တွင် ကမ္ဘာလုံးဆိုင်ရာ ရှစ်လေးလုံး ထီးသပိတ် ပြုလုပ်ခဲ့ကြသည်။

ဂျပန်နိုင်ငံ တိုကျိုမြို့ရှိ စစ်ကောင်စီ၏ သံရုံးရှေ့တွင် Revolution Tokyo Myanmar အဖွဲ့က ၈သင်္ကေတပုံစံကို ထီးများကို ကိုင်ဆောင်ကာ ရှစ်​​လေးလုံး ထီးသပိတ်ကို ဖော်ဆောင်ခဲ့ပြီး “ပေတရာပေါ်မှာ စီးတဲ့သွေးတွေ မခြောက်သေးဘူး” စာတန်းဖြင့် ဆန္ဒထုတ်ဖော်ခဲ့ကြသည်။

စင်ကာပူနိုင်ငံတွင်လည်း ပြည်ပရောက်တော်လှန်ပြည်သူများက ဦးဆောင်ပြီး (၈) သင်္ကေတရိုက်နှပ်ထားသည့် ထီးများကိုင်ဆောင်ပြီး ကမ္ဘာလုံးဆိုင်ရာ ရှစ်​​လေးလုံး ထီးသပိတ်ကို ပါဝင်ခဲ့ကြောင်း ရန်ကုန်လူထုသပိတ်က ဖော်ပြခဲ့သည်။

Public Service Announcement

(၃၇)နှစ်မြောက် ရှစ်လေးလုံးအထိမ်းအမှတ်အဖြစ် ကမ္ဘာလုံးဆိုင်ရာ ရှစ်လေးလုံးထီးသပိတ် လှုပ်ရှားမှုပြုလုပ်ကြရန် ရန်ကုန်လူထုသပိတ်က တိုက်တွန်းထားသည်။

ရန်ကုန်လူထုသပိတ်အနေဖြင့် ရှစ်လေးလုံးအထိမ်းအမှတ် ၈သင်္ကေတရိုက်နှိပ်ထားသည့် ထီးများကို ရောင်းချထားသောကြောင့် ကမ္ဘာ့နိုင်ငံအသီးသီးမှ အဆိုပါထီးများအပါအဝင် ၈ဂဏန်းနှင့် သက်ဆိုင်သည့်အရာများဖြင့် သပိတ်လှုပ်ရှားမှုပြုလုပ်ရန် နှိုးဆော်ထားသည်။

ဓာတ်ပုံ – RTM ၊ ရန်ကုန်လူထုသပိတ်