သြဂုတ်-၈၊ ၂၀၂၅။ ကျော်ဇော/People’s Spring
ပြည်သူ့ကာကွယ်ရေးတပ်မတော်(PDF)ရဲဘော်တွေ မှန်းမသိဘဲ ခရီးသွားရင်း စစ်တပ်ထဲဝင်ဖို့ စည်းရုံးမိတဲ့ စစ်ကောင်စီတပ်မှ အရာခံဗိုလ်တစ်ဦးနဲ့ တပ်ကြပ်ကြီးတစ်ဦးကို ပစ်ခတ်ခံရပြီး နှစ်ဦးလုံးသေဆုံးသွားတယ်လို့ မြေအောက်ပြောက်ကျားတပ်ဖွဲ့အုတ်ဖိုမှ တာဝန်ရှိသူတစ်ဦးက ပြောပါတယ်။
မနေ့ သြဂုတ် ၇ ရက်မနက် ၉ နာရီကျော်လောက်က အုတ်ဖိုမြို့နယ်၊ တိမ်မြှပ်ကျေးရွာအခြေစိုက် ခမရ (၆)တပ်ရင်းမှ အရာခံဗိုလ်လှကျော်နဲ့ တပ်ကြပ်ကြီးညီညီမိုးတို့နှစ်ဦးဟာ အရပ်ဝတ်နဲ့ အုတ်ဖိုတာဆုံဘက် ဆိုင်ကယ်နဲ့ထွက်လာစဥ် သဖန်းပင်ဆိပ်ရွာအနီး မြေအောက်ပြောက်ကျားတပ်ဖွဲ့မှ ရဲ ဘော်တွေနဲ့ အမှတ်မထင်ဆုံတွေ့ခဲ့တာလို့ သိရပါတယ်။
“မနေ့က ကျွန်တော်တို့ရဲဘော်တွေ ကိစ္စတစ်ခုနဲ့အဲ့ဘက်ကို သွားတာဗျ။ အဲ့မှာ တိမ်မြုတ်က စကစနှစ်ကောင်က ဆိုင်ကယ်တားပြီး စစ်မှုထမ်းဖို့ စည်းရုံးတာပေါ့ဗျာ။ အဲမှာ ပစ်ခဲ့တာ”လို့ မြေအောက်ပြောက်ကျားတပ်ဖွဲ့အုတ်ဖိုမှ တာဝန် ရှိသူတစ်ဦးက ဖြစ်စဥ်အား People’s Spring ကို ပြောပါတယ်။
Public Service Announcement
စစ်မှုထမ်းဖို့စည်းရုံးတဲ့ အရာခံဗိုလ်လှကျော်နဲ့ တပ်ကြပ်ကြီးညီညီမိုးတို့ကို တော်လှန်ရေးရဲဘော်တွေက အနီးကပ် ဦးခေါင်းကို သေနတ်နဲ့တစ်ချက်စီပစ်ခတ်ခဲ့ရာ နေရာမှာတင် သေဆုံးသွားကြတယ်လို့ အဲဒီတာဝန်ရှိသူက ဆက်ပြောပါတယ်။
ပစ်ခတ်ခံရပြီး သေဆုံးသွားတဲ့ အရာခံဗိုလ် လှကျော်နဲ့ တပ်ကြပ်ကြီးညီညီမိုးတို့ထံကနေ လက်ပစ်ဗုံးတစ်လုံး၊ ငွေကျပ်နှစ်သိန်း၊ စစ်မှုထမ်းစိစစ်ရေးစာအုပ်တစ်အုပ်၊ ဖုန်းနှစ်လုံးအပါအဝင် ပစ္စည်းအချို့ သိမ်းဆည်းရရှိခဲ့ကာ ၎င်းတို့စီးလာတဲ့ဆိုင်ကယ်ကို အခင်းနေရာမှာဘဲ ပစ်ထားခဲ့တယ်လို့ မြေအောက်ပြောက်ကျားတပ်ဖွဲ့အုတ်ဖိုက အသိပေးပါတယ်။
မြေအောက်ပြောက်ကျားတပ်ဖွဲ့အုတ်ဖိုအနေနဲ့ စစ်ကောင်စီတက်အပါအဝင် ပြည်သူကိုဒုက္ခပေးနေတဲ့ ၎င်းရဲ့ထောက်တိုင်အားလုံးကို ပြင်းပြင်း ထန်ထန် တိုက်ခိုက်သွားမှာဖြစ်လို့ ပြည်သူတွေအနေနဲ့ ၎င်းတို့အနီး သွားလာနေထိုင်ခြင်းမပြုကြဖို့ သတိပေးထားပါတယ်။
