ဩဂုတ်−၁၉၊၂၀၂၅၊မေ/People’s Spring
စစ်ကောင်စီတပ်ဟာမန္တလေးတိုင်း၊မတ္တရာမြို့နယ်အရှေ့ခြမ်းကိုပုသိမ်ကြီးမြို့နယ်နဲ့ပြင်ဦးလွင်မြို့နယ်အစပ်ကနေ တဆင့် စစ်ကြောင်းတွေ ထိုးလာနေတယ်လို့ ဒေသခံတွေက ပြောပါတယ်။
ခြေလျင်တပ်အပြင် စစ်ကား၊အိမ်စီးကားတချို့ပါပြီး ပုသိမ်ကြီးမြို့နယ်အရှေ့ခြမ်းက တောင်ကျော၊နှမ်းကြဲရွာဘက်ကနေ တဆင့် စစ်ကြောင်းထိုးလာတာလို့ ဒေသခံတွေက ပြောပါတယ်။
“ဒီဘက်ကနေစစ်ကြောင်းထိုးလာတာက နှစ်ခုစဉ်းစားစရာရှိတယ်။အယ်ဖာလ်ကိုပဲ ဝင်အောင်းမလား။ ဒီဘက် အယောင်ပြပြီး မြကန်သာရွာကိုဝင်ပတ်လား ပေါ့။လမ်းကြောကတော့ သင့်တယ်။ဒီဘေးပတ်လည်ကလည်းတပ်နဲ့ တပ်ဂိတ်တွေပဲရှိတော့ လုံခြုံရးလည်း စစ်ကြောင်းတွေအတွက်က အဆင် ပြေတယ်လေ”လို့ ဒေသခံတဦးက ပြောပါတယ်။
Public Service Announcement
ဩဂုတ် ၁၈ ရက်ကစတင်ပြီးနှမ်းကြဲရွာရဲ့အရှေ့ဘက်ကရှမ်းရိုးမတောင် တန်းဘက်ကနေ စစ်ကြောင်းလှုပ်ရှားတာ တွေရှိနေတယ်လို့ သိရပါတယ်။
အဲဒီစစ်ကြောင်းမှာ စစ်ကောင်စီတပ်ရဲ့ လက်နက်ကြီးတွေလည်းပါဝင်ပြီး ဒီတောင်တကြောမှာ ပြီးခဲ့တဲ့နှစ်ရက် လောက်ကတည်းက လက်နက်ကြီး အထိုင်ချထားတာ တွေလည်းပြုလုပ်ထားတယ်လို့ ဒေသခံ တွေကပြောပါတယ်။
မတ္တရာမြို့နယ်မှာ စစ်ကောင်စီတပ်က မန္တလေး- မတ္တရာလမ်းပိုင်းကို စိုးမိုးဖို့ကြိုးစားနေချိန် မြကန်သာကျေးရွာကို တော်လှန်ရေး ပူးပေါင်းတပ်တွေက ဝင်သိမ်းခဲ့ပြီးတဲ့နောက် စစ်တပ်က ပြန်လည်ထိုးစစ်ဆင်ဖို့ ကြိုးစားနေတာလို့ သိရပါတယ်။
(ပြည်သူ့ကာကွယ်ရေးတပ်မတော်(မန္တလေး)မှ ရဲဘော်များအား တွေ့ရစဉ်။ ဓာတ်ပုံ − MDY PDF)
