ကေတုမတီမြို့ဟောင်း တူးဖော်ရေးကိစ္စ နောက် ကွယ်မှာ အကျိုးစီးပွားတွေပါနေတယ််လို့​ဒေသခံ​တွေ​ပြော

သြဂုတ်-၂၀၊၂၀၂၅။အာရုဏ်ဦး/People’s Spring

အာဏာသိမ်းခေါင်းဆောင် ဗိုလ်ချုပ်မှူးကြီးမင်းအောင်လှိုင်ရဲ့ ညွှန်ကြား ချက်နဲ့ ပဲခူးတိုင်းအစိုးရအဖွဲ့က တောင်ငူကေတုမတီမြို့ဟောင်းပြန်လည်တူးဖော်ရေးလုပ်ကိုင်ဖို့ အဆင့်ဆင့်ညွှန်ကြားလာတာဟာ နောက်ကွယ်မှာ အကျိုးစီးပွားအတွက် တွန်းအားပေးနေတာမျိုးတွေ ရှိနေနိုင်တယ်လို့ ​ဒေသခံ​တွေကြားသုံးသတ်မှုတွေ ရှိနေပါတယ်။

မြို့ဟောင်းတူးဖော်ရေးလုပ်ငန်းမှာ စီးပွားရေးအကျိုးအမြတ်အရ နောက်ကွယ်ကပါဝင်နိုင်သူဟာတောင်ငူမြို့သား CB ဘဏ်ဥက္ကဋ္ဌ ဦးခင်မောင်အေးဖြစ်နိုင်ပြီး လက်ရှိမှာလည်း တောင်ငူမှာရှိတဲ့ လေးကျွန်းကန်တော်ကြီးကို ပြုပြင်ထိန်းသိမ်းဖို့ဆိုတဲ့အကြောင်းပြချက်နဲ့ နှစ်ရှည်ငှားရမ်းလုပ်ကိုင်နေတယ်လို့ ​ဒေသခံအချို့က​ပြောပါတယ်။ ဒါ့အပြင် မြို့ဟောင်းတူးဖော်ရေးလုပ်ငန်းတွေမှာလည်း ပါဝင်ပံ့ပိုးတာမျိုးတွေ လုပ်ဆောင်နေသူဖြစ်တယ်ဆိုတာ တောင်ငူ​​သေခံတွေ သိရှိကြပြီးဖြစ်တယ်လို့ အကြောင်းစုကိုသိရှိထားပြီးဖြစ်တဲ့ မြို့ခံတချို့က ပြောပါတယ်။

“သမ္မတကြီး ဦးသိန်းစိန်လက်ထက်ကတည်းက တောင်ငူမှာ ရှေးဟောင်းနေရာတွေ၊ စေတီ၊ ဘုရားကျောင်းကန်တွေဖော်ထုတ်တယ်၊ပြန်လည်တည်ဆောက်တယ်ဆိုရင် အလှူ့ဒါယကာကြီးကဘယ်သူ၊ ဘယ်သူတွေလုပ်တယ်ဆိုတာ တောင်ငူမြို့သားတွေ သိကြမှာပါ။ အဓိက CB ဘဏ်ဥက္ကဋ္ဌ ဦးခင်မောင်အေးပါ”လို့ မြို့ခံတစ်ဦးက ပြောပါတယ်။

Public Service Announcement

အခုလက်ရှိကေတုမတီမြို့ဟောင်းတူးဖော်ရေးအကောင်အထည်ဖော်ချင်သူတွေထဲမှာစစ်ခေါင်းဆောင်မင်းအောင်လှိုင်ပြီးရင် ဦးခင်မောင်အေးဟာ ထိပ်ဆုံးစာရင်းကပါဝင်နိုင်တယ်လို့ အဲဒီမြို့ခံက သူ့အမြင်ကို ပြောပါတယ်။

မြို့ဟောင်းတူးဖော်ရေးလုပ်ငန်းနဲ့စပ်လျဥ်းပြီး ရှေးဟောင်းယဥ်ကျေးမှုဇုန်နဲ့ မလွတ်ကင်းဘူးဆိုကာ ဘုရားတစ်ဆူနဲ့ ဘာသာရေးကျောင်းပေါင်း ၂၀ ကိုဖယ်ရှားရှင်းလင်းဖို့ စစ်ကောင်စီရဲ့ ပဲခူးတိုင်းအစိုးရအဖွဲ့က သြဂုတ် ၇ ရက်နေ့အစည်းအဝေးဆုံးဖြတ်ချက်နဲ့ အမိန့်ထုတ်ထားပါတယ်။

ကေတုမတီမြို့ဟောင်း မြို့ရိုးနဲ့ ကျုံးပြန်လည်တူးဖော်ဖို့တိုင်းတာရာမှာ ယဥ်ကျေးမှုဇုန်နဲ့မလွတ်ကင်းတဲ့ ဘုရားတစ်ဆူ၊ သီလရှင်ကျောင်းတစ်ကျောင်း၊ ဘုန်းကြီးကျောင်း ၁၈ ကျောင်းနဲ့ ခရစ္စယာန်ဘုရားကျောင်းတစ်ကျောင်းပါဝင်တယ်လို့ စစ်ကောင်စီသာသနာရေးဦးစီးဌာနရဲ့ တောင်ငူမြို့နယ် သံဃနာယကအဖွဲ့ထံလျှောက် ထားချက်မှာ ဖော်ပြပါတယ်။

“တကယ်ဆိုရင်တိုင်းပြည်ဖွံဖြိုးရေးဆိုတာ နိုင်ငံမှာစီးပွား​ရေး စားဝတ်နေရေးတွေကိုအရင် တိုးတက်အောင်အဓိကလုပ်ရမယ်လို့ထင်ပါတယ်။ အေးချမ်းတည်ငြိမ်မှသာ ဒါမျိုးတွေလုပ်သင့်ပါတယ်။ လူတွေကစားဝတ်နေရေးခက်ခဲနေချိန်မှာ တပူပေါ်တပူဆင့် ဆိုသလိုမျိုးတွေလုပ်ဆောင်နေတာကို ဘေးနားအကြံ‌ပေးတဲ့သူတွေလဲဦးနှောက်ရှိသင့်ပါတယ်”လို့ စစ်ကောင်စီရဲ့ မြို့ဟောင်းတူးဖော်မယ့်လုပ်ရပ်အပေါ် တောင်ငူဒေသခံတစ်ဦးက မှတ်ချက်ပေးပါတယ်။

ယနေ့ခေတ်ကမ္ဘာကြီးမှာ အပြိုင်အဆိုင်ဖွံဖြိုး​ပြီးအာကာသထိ တက်နေကြချိန်မှာ ဒီနိုင်ငံကတော့ ဘိုးတော်ဘုရားလေးဘက်သွားတဲ့ခေတ်ကို ပြန်ရှာဖွေနေတာဟာ လမ်းလွဲနေသလိုဖြစ်နေတယ်လို့ သူ့အမြင်ကို ဆက်ပြောပါတယ်။

စစ်ခေါင်း ဆောင်မင်းအောင်လှိုင်ကိုယ်တိုင် သြဂုတ် ၂ ရက်မှာ တောင်ငူမြို့နှင့် ကေတုမတီမြို့ဟောင်းသို့သွားရောက်ခဲ့ပြီး အရှေ့ဘက်မြို့ရိုးမှာရှိတဲ့ ယိုးဒယားဘောင်၊ အနောက်ဘက်မြို့ရိုးတူးဖော်ထားရှိမှု၊ ရေကျုံးနဲ့ မြို့ပတ်လမ်းစတဲ့နေရာတွေကို လှည့်လည်ကြည့်ရှူ့ပြီး မြို့ဟောင်းတူဖော်ရေးနဲ့ ထိမ်းသိမ်းစောင့်ရှောက်ရေးလုပ် ငန်းတွေလုပ်ကိုင်အမိန့်ထုတ်ခဲ့တယ်လို့ စစ်ကောင်စီမီဒီယာတွေမှာ ဖော်ပြခဲ့ပါတယ်။

မင်းအောင်လှိုင်အပါအဝင် အာဏာသိမ်းစစ်အုပ်စုတစ်ခုလုံးဟာ ဗေဒင်ယတြာတွေကိုယုံကြည်ပြီး ဘုရားတည်တာ၊ ကျောင်းဆောက်တာ၊ထီး​တော်တင်၊သိမ်တင်တာတွေကိုခမ်းခမ်းနားနားလုပ်​လေ့ရှိသလို တဖက်မှာ​ပြည်သူ​တွေကိုမကြာ ဗုံးကြဲသတ်ဖြတ်သလို ၊ဘာသာ​ရေးအ​ဆောက်အအုံ​တွေကိုလည်းဗုံးကြဲဖျက်ဆီး​လေ့ရှိပါတယ် ။