စက်တင်ဘာ-၄၊၂၀၂၅။မေ/People’s Spring
စစ်ကိုင်းတိုင်း၊မင်းကွန်းဒေသကနေတဆင့် စစ်ကြောင်းထိုး နေတဲ့ စစ်တပ်ဟာ စစ်ကိုင်းနဲ့ ဝက်လက်မြို့နယ် အစပ်ကို နေရာဖြန့်ကာ တပ်ချထားပြီး တော်လှန်ရေး တပ်တွေနဲ့ နေ့စဉ်တိုက်ပွဲဖြစ် နေတယ်လို့တော်လှန်ရေးတပ်တွေကပြောပါတယ်။
ဇူလိုင်လ၂၇ ရက်နေ့ကနေ စပြီး စစ်ကြောင်းထိုးလာတဲ့ဒီစစ်ကြောင်းဟာသြဂုတ်၂၈ရက် နေ့မှာ ဝက်လက်မြို့နယ်အရှေ့ခြမ်းက စဉ့်ကိုင်ကျေးရွာ ပတ်လည်မှာတိုက်ပွဲဖြစ်ပွားခဲ့ပါတယ်။
အဲဒီနောက် မန္တလေးမြို့ဘက်ကနေ ထပ်မံစစ်အင်အားတိုးလာခဲ့ပြီး စစ်ကိုင်းမြို့နယ်စဉ့်ကိုင်တောင်ရွာနဲ့ ဝက်လက်မြို့နယ်၊စဉ့်ကိုင် မြောက်ရွာတို့မှာ အထိုင်ချထားပြီး ပတ်လည်မှာ စစ်အင်အားဖြန့်ထားတယ်လို့ တော်လှန်ရေး တပ်ဖွဲ့ခေါင်း ဆောင်တဦးက ပြောပါတယ်။
Public Service Announcement
“ဖြန့်နေတာရှိတယ်။စဉ့်ကိုင်နဲ့ ဘေးပတ်ပတ်လည်ရွာ တွေကို။ပြီးတော့သူတို့ကတက်တက်လုံးတယ်။ကျည်ပေါက်တာ(ပစ်ခတ်တာ) တွေတော့ နေ့တိုင်းရှိတယ်”လို့ တော်လှန်ရေး တပ်ဖွဲ့ခေါင်းဆောင်တဦးကပြောပါတယ်။
ဒီစစ်ကြောင်းဟာစစ်ကောင်စီတပ်နဲ့ပျူစောထီး စုစုပေါင်းအင်အား၁၈၀ လောက်ရှိပြီးဝက်လက်မြို့နယ်က ရှိမ်းမကားတိုက်နယ် ရဲစခန်းကို သွားဖို့ဖြစ်နိုင်တယ်လို့ အထက်ပါ ပုဂ္ဂိုလ်ကခန့်မှန်းပါတယ်။
“လော လောဆယ် သူတို့က ရှိမ်းမကားကိုတိုးချင် နေတာ။အပျော့ကြောရှာနေတဲ့သဘောပဲ။မြစ်ကမ်းဘေးကတိုးလိုက်။ကျောက်လမ်းပေါ်ကတိုးလိုက်နဲ့ ။တပ်ရင်းတပ်ဖွဲ့တွေကလည်းပိတ်ထားတဲ့ သဘောဖြစ် နေတာ”လို့ တော်လှန်ရေးတပ်ဖွဲ့ခေါင်း ဆောင်က ပြောပါတယ်။
အဲဒီစစ်ကြောင်းကိုမန္တလေးဂေါဝိန်ဆိပ်ကမ်းကနေတဆင့်စစ်တပ်ကကျည်နဲ့လက်နက်ခဲယမ်းတွေဆက်တိုက်ပို့ဆောင်နေပြီးစဉ့်ကိုင်ရွာအနီးက မတ္တရာမြို့နယ်၊မိုးကြိုးရွာကတဆင့် ခဲယမ်းပို့နေတာဖြစ်ပြီး မိုးကြိုးရွာကိုလည်း စစ်တပ်က မီးရှို့ထားတယ်လို့သိရပါတယ်။
