စစ်ကိုင်းနယ် ဘုရားဖြူမှာတပ်စွဲထားတဲ့စစ်တပ်က ပြည်သူတွေ ဖမ်းဆီးဆက်ကြေးတောင်းနေ

စက်တင်ဘာ-၁၂၊၂၀၂၅၊မေ/People’s Spring

စစ်ကိုင်းမြို့နယ်အနောက်ခြမ်းက ဘုရားဖြူမှာတပ်စွဲထားတဲ့ စစ်ကောင်စီတပ်နဲ့ပျူစောထီးတွေပူးပေါင်းကာ အနောက်တာ(ရေဝင်တန် ဆည်) ဘက်ကို ဝင်ရောက်ပြီး ပြည်သူတွေ ဖမ်းဆီးကာ ဆက်ကြေးတောင်းတာ တွေပြုလုပ်ခဲ့တယ်လို့ ဒေသခံတွေက ပြောပါတယ်။

စက်တင်ဘာ၁၀ ရက်က စစ်ကောင်စီတပ်တွေဟာ မအူပင် ၄ရွာ (သာဒွန်း၊ မအူပင်အရှေ့ရွာ၊ မအူပင်အနောက်ရွာ၊ မအူပင်ကုန်းတန်းလေး)ကိုစစ်ကြောင်းထိုးပြီး ပြည်သူ ၃၀လောက်ဖမ်းဆီးသွားတယ်လို့ သိရပါတယ်။

“မနေ့ကတချို့ပြန်လွတ်တယ်လို့လည်း ပြောတယ်။အတည်မပြုနိုင်သေးဘူး။နောက်ရက် စစ်ကြောင်း ဆက်ဝင်လို့ ပြေးတဲ့ သူတွေလည်း ပြေးကြတုန်းပဲ”လို့ ဒေသခံတဦးက ပြောပါတယ်။

Public Service Announcement

စက်တင်ဘာ၁၁ ရက်ကလည်း အဲဒီစစ်ကြောင်းကပဲ ဒီကျေးရွာတွေကို ထပ်ဝင်ကာ တအိမ်ကို ငွေကျပ် ၅၀၀၀-၁၀၀၀၀အထိ လိုက်လံတောင်းခဲ့တယ်လို့ သိရပါတယ်။

အဲဒီရွာတွေဟာ စစ်ကိုင်းမြို့နယ်အနောက်ခြမ်းက ငါးထပ်ကြီးဘုရားရဲ့ အနောက်ဘက်မှာရှိပြီး ဘုရားဖြူမှာ စစ်အုပ်စုကတပ်စွဲထားတာလည်း တနှစ် လောကါရှိပြီလို့ သိရပါတယ်။

အဲဒီအနီးနားဝန်းကျင်မှာဆိုရင် နောက်ထပ် ဆင်မြေ၊ဒေါင်းမနဲ့ ညောင်ကုန်းရွာ တွေကိုလည်း စစ်တပ်ကတပ်စွဲထားတယ်လို့ သိရပါတယ်။