စက်တင်ဘာ−၁၅၊၂၀၂၅။မိထက်/People’s Spring
ဒေသတွင်း၌ စစ်ရေးတင်းမာနေစဉ် ကျောက်မဲမြို့မှတဆင့် ကျေးရွာများသို့ သွားသော တောလမ်း၌ ကုန်တင်ကားတစ်စီးလမ်းချော်၍ လမ်းပိတ်ဆို့မှုဖြစ်နေသည်။
ကျောက်မဲမြို့နှင့် ပုံဝိုးကျေးရွာလမ်းပိုင်းမှ မန်ခိုက်ရွာ နှင့်ကောင်းလန်းကျေးရွာကြားတွင် ယနေ့ စက်တင်ဘာ ၁၅ရက် နေ့လည်ကစတင်၍ လမ်းပိတ်ဆို့နေခြင်း ဖြစ်သည်။
လမ်းပြန်ပွင့်ရန် အဆိုပါ ကုန်တင်ကားအား ထွန်စက်များဖြင့်ဆွဲနေသော်လည်း အဆင်မပြေသေးပေ။ ၂ရက်ခန့်ကြာလမ်းပိတ်နိုင်ကြောင်း ဒေသခံတဦးက ပြောသည်။
Public Service Announcement
” မိုးဆက်ရွာနေလို့ လမ်းကပျက်နေတယ်။ စိတ်မချရဘူး”ဟု ၎င်းက ပြောသည်။
လက်ရှိတွင် ကုန်တင်ကားနှင့် အိမ်စီးကားအချို့ လမ်းပိတ်နေပြီး အခြားသောကားများအနေဖြင့် အနီးစပ်ဆုံးကျေးရွာများ၌ ယာယီနားနေကြရန် ဒေသခံများက အကြံပြုသည်။
ကျောက်မဲမြို့နယ်၊ နောင်ပိန်ရွာပတ်ဝန်းကျင်တွင် စစ်ကောင်စီတပ်နှင့် တအာင်းအမျိုးသားလွတ်မြောက်ရေးတပ်မတော်(TNLA)တို့ တိုက်ပွဲများဖြစ်နေပြီး စစ်ကောင်စီက လေကြောင်းတိုက်ခိုက်မှုများပြုလုပ်နေ၍ ဒေသခံများ စိုးရိမ်နေကြသည်။
