ကဖေး/People’s Spring
အာရက္ခတပ်တော်(AA) စစ်ဦးစီးချုပ်ဗိုလ်ချုပ်ထွန်းမြတ်နိုင်နှင့် မောင်တောမြို့မှ မွတ်ဆလင်ခေါင်းဆောင်များတွေ့ဆုံမှုနှင့် ၁၃နှစ်ကြာပိတ်ထားသော မောင်တောမြို့မဂျာမေဗလီပြန်ဖွင့်လှစ်နိုင်မှုကို ရခိုင်နှင့် မွတ်ဆလင်အသိုင်းအဝိုင်းက ကြိုဆိုကြသည်။
ဗိုလ်ချုပ်ထွန်းမြင့်နိုင် နှင့် မောင်တောမြို့မှ မွတ်စလင်ခေါင်းဆောင်များ သြဂုတ်လကုန်ပိုင်းကတွေ့ဆုံးစဥ်။ဓါတ်ပုံ-APM ဗိုလ်ချုပ်ထွန်းမြင့်နိုင် နှင့် မောင်တောမြို့မှ မွတ်စလင်ခေါင်းဆောင်များ သြဂုတ်လကုန်ပိုင်းကတွေ့ဆုံးစဥ်။ဓါတ်ပုံ-APM ဗိုလ်ချုပ်ထွန်းမြင့်နိုင် နှင့် မောင်တောမြို့မှ မွတ်စလင်ခေါင်းဆောင်များ သြဂုတ်လကုန်ပိုင်းကတွေ့ဆုံးစဥ်။ဓါတ်ပုံ-APM
ဗိုလ်ချုပ်ထွန်းမြတ်နိုင် နှင့် မောင်တောမြို့မှ မွတ်ဆလင်ခေါင်းဆောင်များသည် ဩဂုတ်လ ၃၀ရက်က တွေ့ဆုံခဲ့ခြင်းဖြစ်သည်။စက်တင်ဘာလ ၁၂ရက် နံနက် ၉နာရီ၌ အာရက္ခပြည်သူ့အစိုးရက အခမ်းအနားပြုလုပ်၍ ပြန်လည်ဖွင့်လှစ်ခြင်းဖြစ်ပြီး ဒေသတွင်းရှိ ရခိုင်၊ သက္ကမ၊ မြို၊ ဟိန္ဒူ၊ မူဆလင် စုစုပေါင်း ၃၀၀ ဦးခန့် တက်ရောက်ခဲ့ကြောင်းသိရသည်။
မောင်တောမြို့မဂျာမေဗလီပြန် ဖွင့်လှစ်ခြင်းနှင့်ပတ်သက်၍မောင်တောခရိုင်မွတ်ဆလင်ရေးရာ ဥက္ကဋ္ဌ ဦးမောင်မောင်အေးက ရခိုင်အခြေစိုက်အာရက္ခမင်းသမီးမီဒီယာ(APM)သတင်းဌာနသို့ ပြောကြားရာ၌ “၂၀၂၅ ခုနှစ် ၈ လပိုင်း ၃၀ ရက်နေ့မှာ ကျနော်ရို့ ဗိုလ်ချုပ်ရောက်လာတဲ့နေ့မှာ ကျွန်တော်တို့ တင်ပြပေးပါတယ်။ အဲဒီ တင်ပြပေးတဲ့နောက်ဆုံးကြိုးစားပမ်းချက်ပါ။ဒီလိုဖွင့်ပေးတယ် မဟုတ်ပါလား။ဖွင့်ပေးတာကိုအထူးကျေးဇူးတင်ပါတယ်။ ဝမ်းလည်း ဝမ်းသာပါတယ်” ဟုပြောထားသည်။
Public Service Announcement
ထိုကြောင့် ဗိုလ်ချုပ်ထွန်းမြင့်နိုင် နှင့် မွတ်စလင်ဘာသာရေးခေါင်းဆောင်များတွေ့ဆုံပြီး နှစ်ပါတ်ခန့်အကြာတွင်မောင်တောမြို့မ ဂျာမေဗလီကိုပြန်ဖွင့်လှစ်နိုင်ခဲ့ခြင်းဖြစ်သည်။
ရခိုင်တိုင်းရင်းသားအရေးတက်ကြွလှုပ်ရှားသည့် စာရေးဆရာဝေဟင်အောင်ကလည်း မောင်တောမြို့မဂျာမေဗလီပြန် ဖွင့်လှစ်ခြင်းသည် ၂၀၁၂ ကဖြစ်ခဲ့သော မောင်တောအရေးအခင်းကိုသင်ပုန်းချေလိုက်ခြင်းဖြစ်ပြီး လူမျိုးရေး၊ဘာသာရေး နိဌိတံတဲ့ နေ့ဟု သုံးသပ်ထားသည်။
“ရခိုင်နဲ့ မူဆလင်ကြား လူမျိုးရေး၊ ဘာသာရေးအသွင်ဆောင်ပြီး အရေးအခင်းတွေ ဖြစ်လာခဲ့တာ ၂၀၁၆၊ ၂၀၁၇ အရေးအခင်းတွေကနေ့ ၂၀၁၈ မှာ အာရက္ခတပ်တော် ရခိုင်မြေမှာ ခြေချလိုက်တဲ့ နေ့က စလို့ လူမျိုးရေးအသွင် လုံးဝ ပျောက်သွားခဲ့တယ်။ အခုဆိုရင် ၁၃နှစ်ကြာ မူဆလင်တွေ ဝတ်ပြုခွင့် မရတဲ့ ဗလီကြီးလည်း ပြန်လည်ပွင့်သွားခဲ့ပြီ”ဟု စာရေးဆရာဝေဟင်အောင်က လူမှုကွန်ရက်၌ ရေးသားထားသည်။
ဗိုလ်ချုပ်ထွန်းမြတ်နိုင် ပြောခဲ့ဖူးသည့် ” ကျွန်တော်တို့က လက်တွေ့အလုပ်လုပ်တဲ့လူတွေဖြစ်တယ်။ အလုပ်နဲ့သက်သေပြတဲ့လူတွေဖြစ်တယ်။ အပြောထက် အလုပ်တွေနဲ့ သက်သေပြကြရအောင်” ဟူသော စကားအတိုင်း အကောင်အထည်ဖော်နေခြင်းဟုလည်း စာရေးဆရာဝေဟင်အောင်က သုံးသပ်ထားသည်။
ဗိုလ်ချုပ်ထွန်းမြတ်နိုင်သည်မောင်တောမြို့မှ ဒေသခံ မွတ်ဆလင် အသိုင်းအဝိုင်းနှင့်လည်း တွေ့ဆုံခဲ့ပြီး မောင်တောမြိုဂျာမေဗလီကို ပြန်ဖွင့်ခွင့်ပြုခြင်းသည်လူမျိုးနှစ်ခုကြား လူမှုသဟဇာတဖြစ်စေရေး၊ ဒေသတွင်း၌ မှီတင်းနေထိုင်သူလူမျိုးစုတိုင်း ယုံကြည်ရာကို လွတ်လပ်စွာ ကိုးကွယ်နိုင်ရေးအတွက် အာရက္ခပြည်သူ့အစိုးရက ဖွင့်လှစ်ပေးခြင်းဟု အာရက္ခတပ်တော်သတင်းများနှင့် ဒေသတွင်းသတင်းများကိုအဓိကဖော်ပြပေးနေသော APM က ဖော်ပြထားသည်။
မောင်တောမြို့တွင် ၂၀၁၂ ခုနှစ် ၊ဇွန်လက ဒေသတွင်းရှိ ရခိုင်နှင်မွတ်ဆလင်အသိုင်းအဝိုင်းကြား ပြင်းထန်သည့် လူမျိုးရေး ပဋိပက္ခဖြစ်ပွားခဲ့သည်။ မောင်တောအပြင် ရခိုင်ပြည်နယ်မှ မြို့နယ်အချို့တွင်ပါ ပဋိပက္ခကူးစက်ခဲ့ပြီး လူပေါင်း ၁၄,၀၀၀ခန့် အိုးမဲ့အိမ်မဲ့ဖြစ်ခဲ့သည်။ ထိုအချိန်က ဦးသိန်းစိန်းအစိုးရက မောင်တောမြို့မဂျာမေဗလီကို ပိတ်သိမ်းခဲ့ပြီး ယခုမှသာ ပြန်ဖွင့်နိုင်ခြင်းဖြစ်သည်။
AAသည် မောင်တောမြို့အပါအဝင် ရခိုင်ပြည်နယ်မှ မြို့အများအပြားကိုသိမ်းယူထားသည်။
စစ်တွေ၊မာန်အောင်၊ ကျောက်ဖြူမြို့တို့ကိုသာ သိမ်းယူရန်ကျန်ရှိတော့ပြီး တိုက်ပွဲများဖြစ်ပွားနေသည်။ မြို့အများအပြားကိုလက်လွှတ်ထားရသည်စစ်ကောင်စီက လေကြောင်းတိုက်ခိုက်မှုများမကြာခဏပြုလုပ်နေသလို လူမျိုးရေးအမုန်းတရားများလှုံ့ဆော်နေသည်။
ဘူးသီးတောင်မြို့နယ်၊ တန်းလျှောက်ခံရွာတွင် ၂၀၂၄ ခုနှစ်၊ မေလက မူဆလင်ရွာသား လူပေါင်း(၆၀၀)ကျော်အား အာရက္ခတပ်တော်မှ သတ်ဖြတ်ခဲ့သည်ဆိုသော စွပ်စွဲချက်များ ပြီးခဲ့သည့် ဇူလိုင်လမှစ၍ ထွက်ပေါ်ခဲ့ပြီး စစ်ကောင်စီကလည်း ဝါဒဖြန့်ခဲ့သည်။ ထိုစွပ်စွဲချက်များသည် နိုင်ငံရေးရည်ရွယ်ချက် ဖြင့် လုပ်ကြံဖန်တီးဝါဒဖြန့်ချီမှုဖြစ်ပြီး ယင်းလုပ်ရပ်အား ကန့်ကွက်ရှုတ်ချကြောင်းမောင်တောခရိုင် မူဆလင်ဘာသာဝင် အကြီးအကဲများနှင့် လူမှုအသိုင်းအဝိုင်းခေါင်းဆောင်များကဩဂုတ်လ ၂၃ရက်၌ ထုတ်ပြန်ခဲ့ကြသည်။
ထိုအပြင်မြန်မာရိုဟင်ဂျာများအဖွဲ့-ဗြိတိန် (BROUK)ကရိုဟင်ဂျာမျိုးနွယ်စုများအပေါ် လူမျိုးသုဉ်းသတ်ဖြတ်မှုနှင့်ပတ်သက်၍ ကိုင်တွယ်စစ်ဆေးရာတွင် အာရက္ခတပ်တော် (AA)၏ ရက်စက် ကြမ်းကြုတ်မှုတွေကိုပါ ထည့်သွင်း စုံစမ်းပေးရန်အာဂျင်တီးနား ဗဟိုတရားရုံးကို တောင်းဆိုထားကြောင်းစက်တင်ဘာ ၂ ရက်နေ့တွင်ထုတ်ပြန်သည်။
အဆိုပါသတင်းများနှင့်ပတ်သက်၍ရက္ခိုင်အမျိုးသားအဖွဲ့ချုပ်(ULA)ကထုတ်ပြန်ရာတွင် ထိုကဲ့သို့ဝါဒဖြန့်ချီမှုများသည် ဒေသအတွင်းအတူနေ ရက္ခိုင်နှင့်မူဆလင်လူမျိုး များအကြား သဟဇာတဖြစ်ရေး အတူယှဉ်တွဲနေထိုင်ရေးကို ထိခိုက်ပျက်ပြားစေရုံမက အမုန်းအာဃာတများ၊ အထင်အမြင်လွဲမှားမှုများ၊ မယုံကြည်မှုများကိုသာဖြစ်ပေါ်စေပြီး နိုင်ငံ ရေးရည်ရွယ်ချက်ရှိရှိဖြင့် လူမျိုးနှစ်မျိုးကို မသင့်မြတ်အောင်ရန်တိုက်ပေးသည့်လုပ်ရပ်များသာဖြစ်သည်ဟုဖော်ပြထားသည်။၂၀၂၄ ခုနှစ် မေလ ၂ ရက်တွင် AA တပ်ဖွဲ့ဝင်များက ရခိုင်
ပြည်နယ်ရဲ့ ဘူးသီးတောင် မြို့နယ်၊ ထန်းရှောက်ခံ ရွာမှ ရိုဟင်ဂျာ ရာဂဏန်းခန့်ကိုသတ်ဖြတ်ခဲ့ကြောင်းစွပ်စွဲထားသည်။ AAကမူ ထန်းရှောက်ခံရွာတွင်သေဆုံးခဲ့သူများသည် ထိုရွာအနီးတိုက်ပွဲ၌သေဆုံးခဲ့သော စစ်သားများသာဖြစ်ကြောင်းထုတ်ပြန်ရှင်းလင်းထားသည်။
ယခုအခါ မောင်တော၊ဘူးသီး တောင်အပါအဝင်ရခိုင်ပြည်နယ်၌ ရခိုင်တိုင်းရင်းသားများနှင့် မွတ်ဆလင်အသိုင်းအဝိုင်းကြားတွင် ယခင်ကထက် သဟဇာတဖြစ်နေပြီဖြစ်ပြီး ကောင်းမွန်သည့်ရလဒ်များ ရှိနေပြီဟု ဒေသခံအချို့ကပြောသည်။ AA၏ လုံခြုံရေးတပ်ဖွဲ့တွင်လည်း ဒေသခံမွတ်ဆလင်များစတင်ပါဝင်ထမ်းဆောင်နေကြကြောင်းသိရသည်။
