စက်တင်ဘာ-၂၈၊၂၀၂၅။တေဇ/People’s Spring
လာမယ့်အောက်တိုဘာ ၁ရက်ကစပြီး မလေးရှားနိုင်ငံက မြန်မာနိုင်ငံသားတွေကို ဗီဇာလျှောက်စရာမလိုပဲ ၁၄ ရက်ကင်းလွတ်ခွင့်ရမယ်လို့ မလေးရှားအစိုးရက ထုတ်ပြန်ပါတယ်။
မြန်မာပတ်စ်ပို့ ကိုင်ဆောင်ထားသူတွေအနေနဲ့ ရက်တိုလည်ပတ်ဖို့အတွက် ၁၄ ရက် ဗီဇာကင်းလွတ်ခွင့်ရမှာဖြစ်ပေမယ့် နိုင်ငံအတွင်းဝင်ရောက်ဖို့ကိုတော့ သက်ဆိုင်ရာလူဝင်မှူကြီးကြပ်ရေးအရာရှိရဲ့ ခွင့်ပြုချက်လိုအပ်မယ်လို့ ထုတ်ပြန်ထားပါတယ်။
အရင်က မြန်မာပတ်စ်ပို့ကိုင်ဆောင်ထားသူတွေဟာ မလေးရှားနိုင်ငံကို သွားမယ်ဆိုရင် ရန်ကုန်မြို့က မလေးရှားသံရုံးမှာ ဗီဇာလျှောက်ထားပြီးမှ သွားရောက်ခွင့်ရတာပါ။
Public Service Announcement
မလေးရှားနိုင်ငံဟာ မြန်မာပတ်စပို့ကိုင်ဆောင်ထားသူတွေကို လေဆိပ်အဝင်မှာ တင်းကြပ်စွာစစ်ဆေးလေ့ရှိပါတယ်။ အထောက်အထားခိုင်လုံစွာမပြနိုင်တဲ့သူတွေကို ပြန်လွှတ်တဲ့အထိဖြစ်စဉ်တွေ ရှိပါတယ်။ အခုတော့ မြန်မာတွေကို ၁၄ရက်ဗီဇာကင်းလွတ်ခွင့်ရရှိခဲ့တာပါ။
” မြန်မာဆိုတော်တော်ရစ်တဲ့ မလေးလဝက အခု ဗီဇာဖရီးဆိုတော့ ဘယ်လိုဆက်ဆံခံရမယ် မသိဘူး။ အရင်ကတော့ တော်တော်ကို ရစ်တာခ့ရတယ်”လို့ မလေးရှားနိုင်ငံ ကွာလာလမ်ပူမြို့မှာ နေထိုင်လုပ်ကိုင်တဲ့ မြန်မာလုပ်သားတဦးက ပြောပါတယ်။
လက်ရှိမှာတော့ မြန်မာကို အာဆီယံ ၉နိုင်ငံလုံးကို ဗီဇာကင်းလွတ်ခွင့်ပေးထားပါတယ်။ ဗီယက်နမ်၊ စင်ကာပူ ၊အင်ဒိုနီးရှားနဲ့ ဖိလစ်ပိုင်နိုင်ငံတွေက ရက် (၃၀)ကင်းလွတ်ခွင့်ပေးထားပြီး ထိုင်း ၊ လာအို ၊ ဘရူနိုင်း ၊ ကမ္ဘောဒီယားနဲ့ မလေးရှား နိုင်ငံတွေက ၁၄ ရက် ပေးထားပါတယ်။
