အောက်တိုဘာ-၇၊၂၀၂၅။လူအေး/People’s Spring
သတင်းကျွတ်လပြည့်ကျော်၁ရက်နေ့(အောက်တိုဘာလ ၇ရက်)မနက်အစောပိုင်းမှာ စစ်ကောင်စီကနမ္မတူမြို့ကို လေကြောင်းကနေဗုံးထပ်ကြဲခဲ့ပြန်ပါတယ်။
ယနေ့ မနက် ၆နာရီ ၃၃ မိနစ်မှာ နမ္မတူမြို့ပေါ် ရပ်ကွက်(၈)ကို ဂျက်ဖိုက်တာနဲ့ ဗုံးကြဲသွားတာလို့ ဒေသခံတချို့ကပြောပါတယ်။
တံတားဦးလေတပ်က တက်သွားတဲ့ ဂျက်ဖိုက်တာနဲ့ ဗုံးကြဲသွားတာလို့ လေကြောင်းအန္တရာယ်စောင့်ကြည့်ရေးလူမှုကွန်ရက်စာမျက်နှာဖြစ်တဲ့ Wai Hin(ဝေဟင်)က အသိပေးထားပါတယ်။
Public Service Announcement
ဗုံးကြဲတိုက်ခိုက်မှုကြောင့်ထိခိုက်မှုအခြေအနေကို ထုတ်ပြန်အသိပေးသွားမယ်လို့ တအာင်းအမျိုးသားလွတ်မြောက်ရေးတပ်မတော်(TNLA) က ဒီနေ့ မနက်ပိုင်းမှာ ထုတ်ပြန်ပါတယ်။
နမ္မတူမြို့ကိုသီတင်းကျွတ်လပြည့် (အောက်တိုဘာ ၆မနက်ပိုင်းကလည်း စစ်ကောင်စီက ဗုံးကြဲခဲ့ပါတယ်။ နမ္မတူမြို့ မြို့မစျေးရပ် ရပ်ကွက်(၂)ကို ဂျက်ဖိုက်တာနဲ့ ဗုံးကြဲခြင်းဖြစ်ပြီး နေအိမ်ခြောက်လုံးပျက်စီးခဲ့တယ်လို့ TNLAက ထုတ်ပြန်ခဲ့ပါတယ်။
စစ်ကောင်စီကအောက်တိုဘာလ၁ရက်နေ့မှာ ကျောက်မဲမြို့ကိုပြန်လည်ထိန်းချုပ်ပြီးတဲ့နောက် TNLA ထိန်းချုပ်မြို့နယ်တွေဖြစ်တဲ့ နမ္မတူ၊ မန်တုံ၊သီပေါ၊ မိုးကုတ်၊ ကျောက်မဲမြို့တွေကို ဗုံးမကြာခဏကြဲတိုက်ခိုက်နေတာဖြစ်ပါတယ်။
ဒါအပြင် အောက်တိုဘာ ၂ ရက်နေ့မှာလည်းစစ်တပ်က နမ္မတူမြို့ကို ဗုံးကြဲခဲ့တဲ့အတွက် ပြည်သူ ၄ ဦးသေဆုံးပြီး ၅ ဦးဒဏ်ရာရရှိခဲ့ပါတယ် ။ဒါကြောင့် စစ်ကောင်စီက နမ္မတူမြို့ကို တစ်ပါတ်အတွင်း အနည်းဆုံး ဗုံးသုံးကြိမ်ကြဲချတိုက်ခိုက်ခဲ့တာဖြစ်ပါယ်။စစ်တပ်ဗုံးကြဲတဲ့နေရာတွေဟာ ပြည်သူတွေနေထိုင်တဲ့ ရပ်ကွက်တွေထဲကိုချည်းဖြစ်နေပါတယ် ။
သတင်းကျွတ်လပြည့်နေ့နဲ့ သတင်းကျွတ်လပြည့်ကျော် ၁ ရက်နေ့ဟာ ဗုဒ္ဓဘာသာဝင်တွေရဲ့ နေ့ထူးနေ့မြတ်အဖြစ် ဘုရားမီးပူဇော်တဲ့ နေ့ရက်တွေဖြစ်ပါတယ်။ အဲ့ဒီလိုနေ့ရက်တွေမှာ စစ်ကောင်စီက ဗုံးကြဲနေတာဖြစ်ပါတယ်။
ဒါအပြင် သီတင်းကျွတ်လပြည့်ညကလည်း စစ်ကိုင်းတိုင်း၊ မုံရွာနဲ့ချောင်းဦးမြို့နယ်စပ်မှာ ဆီမီးထွန်းနေတဲ့အရပ်သားပြည်သူတွေကို စစ်ကောင်စီကဗုံးကြဲလို့သေဆုံးဒဏ်ရာရသူ ၅၀ ခန့်ရှိခဲ့ပါတယ် ။ညပိုင်းအထိ့ ရုပ်အလောင်းအနည်းဆုံး ၁၃ ထက်မနည်းတွေ့ရှိထားပြီး သေဆုံးဒဏ်ရာရသူအရေအတွက်ကို ရေတွက်နေရဆဲဖြစ်ပါတယ်။
စစ်ကောင်စီက မြန်မာနိုင်ငံဒေသအနှံ့မှာ အရပ်သားပြည်သူတွေကို ပစ်မှတ်ထားပြီးဗုံးကြဲနေလို့ လုံခြုံရေးအန္တရာယ်အထူးသတိပြုကြဖို့ တော်လှန်ရေးတပ်ဖွဲ့တွေက သတိပေးထားပါတယ်။
